დეგნანი: იმედი მაქვს, საქართველოს ლიდერები გაერთიანდებიან, რომ დააკმაყოფილონ ევროპული სტანდარტები

9 Nov. 2022, 17:13

აშშ არ არის ევროპარლამენტის წევრი, შესაბამისად, ჩვენ არ ვიყავით ჩართული რეზოლუციის შემუშავებაში. ჩემი მხრიდან გეტყვით, რომ პოლარიზაცია არის პრობლემატური ქვეყანაში და ვეთანხმებით მოწოდებას პოლიტიკური აქტორების მიმართ, რომ ერთად გააუმჯობესონ ამბიციური დემოკრატიული მართლმსაჯულებისა და ანტიკორუფციული რეფორმა. ეს უნდა მოხდეს ინკლუზიურად.

საქართველოს აქვს ძალიან კარგი გამოცდილება იმის, რომ იგი წარუდგენს თავის შემუშავებულ კანონმდებლობას ვენეციის კომისიას თუ სხვადასხვა საერთაშორისო სტრუქტურას. ახლა ძალიან მნიშვნელოვანი მომენტია ქვეყნის ცხოვრებაში, ძალიან მნიშვნელოვანი წინსვლა აქვს ხელთ საქართველოს, მნიშვნელოვანი ნაბიჯი შეუძლია, გადადგას, კანდიდატის სტატუსთან დაკავშირებით და ძალიან მნიშვნელოვანია, რომ შემუშავებული კანონმდებლობა წარედგინოს ვენეციის კომისიას, რათა მან შეაფასოს შესაბამისობა.

ჩვენ მხარს ვუჭერთ ქართველი ხალხის ძალიან მკაფიო არჩევანს, რომელიც გულისხმობს სტაბილურ, წარმატებულ, დემოკრატიულ ქვეყანაში ცხოვრებას და ქართველი ხალხის მისწრაფებებს ევროკავშირისა და ევროატლანტიკურ ინტეგრაციასთან დაკავშირებით. იმედი მაქვს, რომ საქართველოს ლიდერები, როგორც მმართველი პარტია, ასევე, ოპოზიციური სპექტრი გაერთიანდებიან და შეასრულებენ იმ სამუშაოს და ისე შეასრულებენ, რომ დააკმაყოფილონ ევროპული სტანდარტები. დიდი იმედი მაქვს, ამას შეძლებენ ქართველი ხალხისთვის.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

პაპუაშვილის და ბოჭორიშვილის შემდეგ, გერმანიას ადმინისტრაციას ირაკლი კობახიძეც აკრიტიკებს