ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: უწყების ცნობით, ქურდულ სამყაროსთან კავშირის ბრალდებით დაკავებული პირები, მოქალაქეთა და ქურდულ სამყაროსთან კავშირში მყოფ პირებს შორის წარმოშობილი კონფლიქტებისა თუ ფინანსური დავების მოგვარებაში მონაწილეობდნენ.

  • ასევე, ქურდული წესებით გადაწყვეტაში, უკავშირდებოდნენ კრიმინალურ ავტორიტეტებს, საზღვარგარეთ მყოფ ქართველ კანონიერ ქურდებს, მათ შორის, მინდია ლავასოღლის, ასლან ქობულაძეს მეტსახელად ბაბუს და მათგან მითითებებს იღებდნენ.
  • დაკავებულებს ბრალი ქურდული სამყაროს საქმიანობის მხარდაჭერისა და დიდი ოდენობით ქონების მიღების მიზნით ჩადენილი გამოძალვისთვის ედებათ.
  • დანაშაულები 3-დან 15 წლამდე ვადით თავისუფლების აღკვეთას ითვალისწინებს.

დეტალები: შსს ცნობით, კიდევ ორ პირს, მათ შორის ერთ-ერთს მეტსახელად ბონჩო, რომლებიც საქართველოში არ იმყოფებიან, ბრალი დაუსწრებლად, ქურდულ სამყაროსთან კავშირისთვის წაუყენეს.

  • როგორც უწყებაში განმარტავენ, ბრალდებულები ქონებრივი სარგებლის მისაღებად, თავისი კრიმინალური გავლენის გამოყენებით, საქართველოში მცხოვრებ ქურდული სამყაროს მართავდა.
  • ასევე, ბრალდებულები ქართველი ბიზნესმენისგან 55 000 ლარის გამოძალვას ცდილობდნენ, მისი და მისი ოჯახის წევრების სიცოცხლის მოსპობის მუქარითა და ქურდული გარჩევის გზით.