ამის შესახებ ოკუპანტი ქვეყნის პრეზიდენტმა ვალდაის ფორუმზე სიტყვით გამოსვლისას თქვა.

რატომ არის მნიშვნელოვანი: პუტინი ბირთვული იარაღის გამოყენებით რამდენჯერმე დაიმუქრა და თქვა, რომ რომ რუსეთს "სხვადასხვა ქვეყნის განადგურების საშუალებები" აქვთ, ზოგიერთ კომპონენტში კი უფრო თანამედროვე, ვიდრე NATO-ს.

  • მიუხედავად ამისა, პუტინი სხვას აბრალებს შესაძლო ბირთვულ კატასტროფას.

დეტალები: პუტინი ამბობს, რომ რუსეთს "არ სჭირდება" ბირთვული თავდასხმა და ამას არც პოლიტიკური და არც სამხედრო თვალსაზრისით არ აქვს აზრი.

  • გარდა ამისა, მან კიევი "ბინძური ბომბის" შექმნაში დაადანაშაულა და დაამატა, რომ უკრაინაში არსებული ტექნოლოგიები ამის საშუალებას იძლევა.
  • თუმცა, არ არსებობს არანაირი მტკიცებულება, რომ უკრაინას, რომელმაც 1990-იან წლებში დათმო ბირთვული იარაღი, აქვს რაიმე რადიოაქტიური ნივთიერება თავის სამხედრო არსენალში.
  • პენტაგონმაც ხაზგასმით აღნიშნა, რომ ცნობები "ბინძური ბომბზე" რუსული დეზინფორმაციული კამპანიის ნაწილია და არ არსებობს მტკიცებულებები ამ ბრალდებების დასადასტურებლად.

არქივიდან: 23 ოქტომბერს რუსეთის თავდაცვის მინისტრი, სერგეი შოიგუ გაერთიანებული სამეფოს, აშშ-ს, თურქეთისა და საფრანგეთის თავდაცვის უწყებების ხელმძღვანელებს დაუკავშირდა და იმის მტკიცება დაიწყო, თითქოს უკრაინა "ბინძური ბომბის" გამოყენებას გეგმავს.

  • ასევე, წამოაყენა ვერსია, რომ უკრაინა აპირებს დაბალი წარმადობის ბირთვული იარაღის გაშვებას და რუსეთის დადანაშაულებას მასობრივი განადგურების იარაღის გამოყენებაში.

კონტექსტი: რუსეთის თავდაცვის სამინისტრო ჯერ კიდევ მიმდინარე წლის აპრილში ავრცელებდა ინფორმაციას, რომ აშშ "ამზადებდა პროვოკაციებს რუსეთის შეიარაღებული ძალების დასადანაშაულებლად ქიმიური, ბიოლოგიური ან ტაქტიკური ბირთვული იარაღის გამოყენებაში."

  • რუსული სახელმწიფო დეზინფორმაციული მედია საშუალებები ომის დაწყების შემდეგ პერიოდულად ავრცელებენ ინფორმაციას იმაზეც, რომ დასავლეთის სახელმწიფოები მხარს უჭერენ უკრაინას ბირთვული იარაღის განვითარებაში და გეგმავენ ყალბი დროშის შეტევებს.