23 ოქტომბერს კასპში კასპობა 2022 გაიმართა.

რატომ არის მნიშვნელოვანი: მუნიციპალიტეტის მერიამ ღონისძიებაში საერთო ჯამში, 56 210 ლარი გადაიხადა.

  • თანხის დიდი ნაწილი, 12 000 ლარი ღამის შოუს ბენდმა მიიღო.

დეტალები: მერიამ ღონისძიებისთვის პირდაპირი წესით ხელშეკრულება ბაბი კირკიტაძეს, ღამის შოუს ბენდის ერთ-ერთ წევრს გაუფორმა, რისთვისაც ადგილობრივი ბიუჯეტიდან 12 ათასი ლარი გადაიხადა.

  • ღონისძიების დანარჩენი ნაწილისთვის კი ტენდერი გამოცხადდა, რომლის ღირებულებაც 56 750 ლარი იყო.
  • ხელშეკრულება სამი პრეტენდენტიდან ერთ-ერთს, შპს ღამის რაინდებს 44 210 ლარზე გაუფორმდა.
  • კომპანიას სხვადასხვა მომსახურება უნდა გაეწია, მათ შორის: სცენის განათება და ხმის აპარატი (რაშიც 10 ათასი ლარი მოითხოვა) ვარსკვლავის გახსნა, ბენდი, დიჯეი, საბავშვო ატრაქციონი, მულტფილმების გმირები და ა.შ

კასპის მერი ვახტანგ მაისურაძე აცხადებს, რომ მაქსიმალურად სცადეს, ღონისძიება აქტიური და ხალისიანი ყოფილიყო.

  • "ორწლიანი პაუზის შემდეგ გადავწყვიტეთ ჩვენი მოსახლეობისთვის სადღესასწაულო განწყობა შეგვექმნა და ქალაქის განახლებულ და გალამაზებულ ცენტრში სახალხო დღესასწაული კასპობა 2022 ჩავატარეთ".