ცნობილმა გამოცემა The New York Times-მა ქართველ ფეხბურთელ ხვიჩა კვარაცხელიას შესახებ სტატია დაწერა. ხვიჩა კვარაცხელია საქართველოს ეროვნული ნაკრებისა და ნაპოლის ფეხბურთელია.

"ხვიჩა კვარეცხელიას თამაშის არაპროგნოზირებადმა სტილმა იტალიური ფეხბურთი დაიპყრო და ნაპოლი ანგარიშგასაწევ მეტოქედ აქცია. რაც მთავარია, მან ფეხბურთი კვლავ სახალისო გახადა", — ვკითხულობთ სტატიაში.

სტატიის ავტორები წერენ, რომ ბათუმში ხვიჩას ყოფნის განმავლობაში სტადიონი მუდამ გადავსებული იყო და ხვიჩას ნახვა ყველას უნდოდა:

"ეს დიდად გასაკვირი არც იყო. ბათუმში ჩასვლისას კვარაცხელია უკვე ეროვნული სიმბოლო იყო. ის 16 წლის ასაკში საქართველოს ყველაზე დიდი კლუბის, დინამო თბილისის სენსაციად იქცა".

სტატიის ავტორის მიხედვით, ვერავინ იწინასწარმეტყველა, თუ რამდენად სწრაფად გაცდებოდა კვარაცხელიას სახელი საქართველოს მასშტაბებს: "რამდენიმე კვირის შემდეგ მან იტალიური ფეხბურთი დაიპყრო და ჩემპიონთა ლიგის ვარსკვლავი გახდა".

სტატიაში კვარაცხელიას კარიერული წარმატებებისა და იმ გზის შესახებ ვკითხულობთ, რომელიც ხვიჩამ იტალიურ ფეხბურთამდე გაიარა. ავტორს არც იტალიელების მიერ მისთვის შერქმეული მეტსახელი — კვარადონა გამორჩენია.

სტატია სრულად წაიკითხეთ აქ.