ზელენსკი: მტერი ყველაფერს აკეთებს, რომ შეაფერხოს ჩვენი სურსათის ექსპორტი

21 Oct. 2022, 23:56

მტერი ყველაფერს აკეთებს, რომ შეაფერხოს ჩვენი სურსათის ექსპორტი. მჯერა, რომ ამ ქმედებებით რუსეთი მიზანმიმართულად აღძრავს სასურსათო კრიზისს, რათა ის ისეთივე მწვავე გახდეს, როგორც ეს მიმდინარე წლის პირველ ნახევარში იყო.

დღეს 150-ზე მეტი გემი დგას რიგში, რათა შეასრულოს სახელშეკრულებო ვალდებულებები ჩვენი სასოფლო-სამეურნეო პროდუქციის მიწოდებისთვის. ეს არის ხელოვნური რიგი, რომელიც მხოლოდ იმიტომ გაჩნდა, რომ რუსეთი შეგნებულად აჭიანურებს გემების გავლას.

ყოველი დღე, როცა გემები საკვებთან ერთად დგანან, ნიშნავს სოციალური და პოლიტიკური დაძაბულობის ზრდას იმ ქვეყნებში, რომლებიც მოიხმარენ ჩვენს სოფლის მეურნეობის პროდუქტებს. [...]

რუსეთი ყველაფერს აკეთებს იმისთვის, რომ, მინიმუმ, ასობით ათასი ადამიანი გახდეს იძულებითი მიგრანტი, რომლებიც თავშესაფარს მოითხოვენ თურქეთში ან ევროკავშირის ქვეყნებში, ან შიმშილით დაიღუპებიან. ჩვენ კი პარტნიორებთან ერთად ყველაფერი უნდა გავაკეთოთ, რომ მარცვლეულის ინიციატივა არა მხოლოდ შენარჩუნდეს, არამედ 100%-იანი სიმძლავრით მუშაობდეს.

საკვების და შიმშილის გარეშე ცხოვრების უფლება არის აბსოლუტურად ყველა ადამიანის ფუნდამენტური უფლება დედამიწაზე. ამიტომ, რუსეთის მცდელობები სასურსათო კრიზისის გამწვავებისთვის არის აგრესია, ასევე, დედამიწაზე ყველა ადამიანის მიმართ.

ბოლო ამბები: