ჩეჩნეთის რესპუბლიკის მეთაურის, რამზან კადიროვის კადიროვის მტკიცებით, ვიდეოა ასახავს უკრაინაში, საბრძოლო მოქმედებებში მისი სამი შვილის მონაწილეობას.

რატომ არის მნიშვნელოვანი: კადიროვის შვილები 14, 15 და 16 წლის არიან.

  • გაეროს ბავშვთა უფლებების კონვენცია, რომლის რატიფიცირებაც რუსეთმა მოახდინა, პირდაპირ კრძალავს 15 წლამდე ბავშვების მონაწილეობას საომარ მოქმედებებში.
  • საერთაშორისო სისხლის სამართლით ეს ომის დანაშაულადაა მიჩნეული.

დეტალები: კადიროვი ამტკიცებს, რომ მისი ვაჟები ახმატი, ელი და ადამი იმყოფებოდნენ ფრონტის ხაზთან, სადაც ამ მომენტში მიმდინარეობს სასტიკი ბრძოლები "უკრაინელ ნაციონალისტებთან".

  • კადიროვის აცხადებს, რომ მისმა შვილებმა, როგორც ეს "ჩეჩენ მეომრებს შეეფერება", მაშინვე საქმეს "მოჰკიდეს ხელი".
  • ვიდეოში არასრულწლოვნებთან ერთად არის პოლიციის სპეციალური პოლკის მეთაური ზამიდ ჩალაევიც.

თუმცა, ერთ-ერთი ტელეგრამ არხი წერს, რომ ვიდეოზე ნაჩვენები ადგილი არის ის ტერიტორია, სადაც მოზარდებმა აქამდეც ჩაწერეს ვიდეო და თქვეს, რომ ფრონტის ხაზიდან 3-4 კილომეტრში იყვნენ.

  • "ჩვენ ვამჩნევთ იგივე რელიეფს, როგორც წინა ვიდეოში, ანუ მათ არც კი დაიწყეს ახალი ტერიტორიის ძებნა სროლისთვის, არამედ უბრალოდ გათხარეს თხრილი იმავე ადგილას";
  • ვიდეოში ისმის სროლიც ხმა, მაგრამ ტელეგრამ არხი მიუთითებს, რომ როდესაც ზამიდ ჩალაევმა საუბარი დაიწყო "უკრაინელებმა შეწყვიტეს სროლა" და "სიტყვით გამოსვლის საშუალება მისცეს".
  • "კვლავ აღვნიშნავთ ხმის ინჟინრის მუშაობას — მან მხოლოდ საჭიროების შემთხვევაში ჩადო საპასუხო სროლის ხმები", — წერს NIYSO.