ილონ მასკმა გადაიფიქრა და უკრაინაში Starlink-ის დაფინანსებას გააგრძელებს
![](http://phoebe.on.ge/2022/10/15/1594042530.jpg)
ფოტო: Reuters / Rebecca Cook
0
წაკითხვა
0
კომენტარი
0
გაზიარება
ილონ მასკმა დაიწუწუნა, მაგრამ მაინც დათანხმდა, ინტერნეტის მიწოდება უფასოდ გააგრძელოს.
რატომ არის მნიშვნელოვანი: Starlink სატელიტური ინტერნეტ სერვისია, რომლის მიზანიც დედამიწის ნებისმიერი წერტილის სწრაფი ინტერნეტით უზრუნველყოფაა.
- ომის დაწყების შემდეგ მასკმა უკრაინას Starlink უფასოდ გადასცა, რაც სასიცოცხლოდ აუცილებელი კომუნიკაციების წყარო გახდა — ამის გამო მან ადგილობრივებისა და პრეზიდენტისგან მადლობაც მიიღო.
- თუმცა 3 ოქტომბერს ბიზნესმენმა ტვიტერზე გამოკითხვები ჩაატარა "უკრაინა-რუსეთის მშვიდობაზე", ყირიმისა და დონბასის რუსეთთან მიერთებასა და ხელახალი რეფერენდუმის საჭიროებაზე, რასაც უკრაინაში კრიტიკული გამოხმაურებები მოჰყვა.
- ამის შემდეგ კი ცნობილი გახდა, რომ მასკმა პენტაგონს წერილი გაუგზავნა, სადაც ამბობდა, რომ SpaceX-ის თანამგზავრული ინტერნეტის დაფინანსებას ვეღარ გააგრძელებდა და სთხოვდა, თავად უზრუნველყოთ დაფინანსება.
დეტალები: მომხდარს გამოეხმაურა უკრაინის პრეზიდენტის ადმინისტრაციის უფროსის მრჩეველი და განაცხადა, რომ მოგვწონს თუ არა, მასკი ის დაეხმარა უკრაინას ომის ყველაზე კრიტიკულ მომენტში და უკრაინა იპოვიდა გამოსავალს Starlink-ის მუშაობის შესანარჩუნებლად.
- "ჩვენ ველით, რომ კომპანია მოლაპარაკებების დასრულებამდე უზრუნველყოფს სტაბილურ კავშირს", — წერდა პოდოლიაკი.
- დღეს კი მასკმა თავისი ახალი გადაწყვეტილება გვამცნო: "ჯოჯოხეთსაც წაუღია… მიუხედავად იმისა, რომ Starlink კვლავ კარგავს ფულს და სხვა კომპანიები იღებენ მილიარდობით დოლარს გადასახადის გადამხდელებისგან, ჩვენ უბრალოდ გავაგრძელებთ უკრაინის მთავრობის უფასოდ დაფინანსებას".
-
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
-
გადახედვა
-
გადახედვა
-
-
გადახედვა
-
კომენტარები