ამის შესახებ აჭარის განათლების მინისტრმა, მაია ხაჯიშვილმა განაცხადა.

რატომ არის მნიშვნელოვანი: გუშინ, 29 სექტემბერს TV 25-მა წყაროზე დაყრდნობით გაავრცელა ინფორმაცია, რომ ბათუმის მე-7 საჯარო სკოლაში დერეფანში სტენდზე სხვებთან ერთად რუსეთისა და ოკუპირებული აფხაზეთის ე.წ დროშა იყო გამოკრული.

  • მათი ცნობით, ერთ-ერთმა მოსწავლემ აფხაზეთის "დროშა" ჩამოხია, რის შემდეგაც მას სასწავლო პროცესი დაატოვებინეს.
  • მედია წერს, რომ დირექტორმა მოსწავლის მშობელიც დაიბარა, ამ ქმედების გამო უსაყვედურა, ბავშვს კი გაფრთხილება მისცა.

დეტალები: ხაჯიშვილის თქმით, მოკვლევის შედეგად, სამინისტრომ მიიღო გადაწყვეტილება, რომ შორენა ქონიაძე დაკავებულ პოსტს დღესვე დატოვებს.

  • "სასწავლო რესურსების დროს გამოიკვეთა საქართველოს კანონმდებლობის დარღვევა, მათ შორის, ისეთი სტიკერების განთავსება, რომელიც მიუღებელია ჩვენი კანონმდებლობით, შესაბამისად, იქნა ეს გადაწყვეტილება მიღებული".

სკოლის მოსწავლე TV 25-ის ინფორმაციას ადასტურებს და ჰყვება, რომ კლასელებთან ერთად გამოკრული რუსეთისა და აფხაზეთის დროშები ნახა და თავდაპირველად რუსეთის დროშა ჩამოხსნა.

  • ამბობს, რომ მალევე ზარი დაირეკა, კლასში ასვლის შემდეგ კი აფხაზეთის "დროშასთან" დაკავშირებით გამოთქვეს პროტესტი და თანხმობა მიიღებს მის ჩამოხსნაზეც.
  • ასევე, ამბობს, რომ არ გაურიცხავთ, თუმცა დირექტორმა მშობელი დაიბარა და უთხრა, რომ ის სხვა სკოლაში გადაეყვანათ.
  • "აგრესორიო, ასე მითხრა, დღეს დროშა ჩამოხია, ხვალ შეიძლება ჩემს რუს მოსწავლეს მივარდესო".

სასწავლო ნაწილის თქმით, მოსწავლეს შენიშვნა სკოლის ნივთის დაზიანების გამო მისცეს და არა კონკრეტულად დროშების ჩამოხსნის გამო.

  • "როგორ ფიქრობთ, რომ შემენიშნა [დროშები] არაფერს ვიტყოდი?".