განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს, 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად გთხოვთ, გაიაროთ რეგისტრაცია შემდეგ ბმულზე: https://logos.edu.ge/leaf/

Mohawk College დაარსდა 1966 დასავლეთ ჰამილტონში, კანადაში. მისი მიზანია შექმნას ისეთი აკადემიური გარემო, სადაც ზოგად საგანმანათლებლო სკოლის კურსდამთავრებულები შეძლებენ თავიანთი ნიჭის განვითარებას. თანასწორობა, მრავალფეროვნება და ჩართულობა არის უნივერსიტეტის სამი მთავარი ღირებულება.

Mohawk College-ში შეგიძლიათ ისწავლოთ საბაკალავრო და პროფესიულ პროგრამებზე.

სწავლის საფასური და ცხოვრების ხარჯი საშუალოდ 15 000 აშშ დოლარია წელიწადში, თუმცა თქვენ გაქვთ შესაძლებლობა მოიპოვოთ ნაწილობრივი ან სრული დაფინანსება.

უნივერსიტეტი გთავაზობთ შემდეგ საბაკალავრო პროგრამებს:

  • ბიზნეს ანალიტიკა
  • ბიზნეს ადმინისტრირება
  • კიბერ უსაფრთხოება
  • საერთაშორისო ურთიერთობები
  • თანამედროვე ტექნოლოგიები

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში 8 ოქტომბერს შუა დღის 12 საათიდან საღამოს 5 საათამდე.

LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ის, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.