ინფორმაცია On.ge-ს TV პირველის ადვოკატმა, ქეთი ზანდუკელმა დაუდასტურა.

რატომ არის მნიშვნელოვანი: თამარ ზაალიშვილი ტელეკომპანიას 2021 წლის ივლისში გასულ სიუჟეტთან დაკავშირებით უჩივლა.

  • ზაალიშვილი სიუჟეტში გასული ინფორმაციის უარყოფას და მორალური ზიანის სახით ფულად კომპენსაციას ითხოვდა, რაც სასამართლომ დაუკმაყოფილა.
  • ტელევიზია გადაწყვეტილებას არ ეთანხმება და მის გასაჩივრებას გეგმავს.

დეტალები: სასამართლომ ფინანსური კომპენსაციის სახით ჟურნალისტების — ნოდარ მელაძისა და მაკა ჩიხლაძისგან — 5-5 ლარ დააკისრა, ხოლო ტელეკომპანიასა და რესპონდენტს — 5 555 ლარი.

  • TV პირველის ადვოკატი აცხადებს, რომ გადაწყვეტილება კანონს ეწინააღმდეგება.
  • "როგორც ჰქონდა მოთხოვნა ჩამოყალიბებული ისე დაუკმაყოფილდა უცვლელად, სიტყვა-სიტყვით, სრულყოფილად".

არქივიდან: TV პირველის სიუჟეტში აღნიშნულია, რომ თეატრალური უნივერსიტეტი ყალბ დიპლომებს გასცემდა და ამასთან, შესაძლოა, კავშირი მმართველი პარტიის ლიდერის დედას ჰქონოდა.

  • თამარ ზაალიშვილი სიუჟეტში ნათქვამს ცილისმწამებლურსა და ცრუ ინფორმაციის შემცველ განცხადებებს უწოდებს და აცხადებს, რომ არ უნდა დარჩეს რეაგირების გარეშე.