კვლევითი ორგანიზაცია IPM-ის მიერ ჩატარებული კვლევის მიხედვით, საქართველოს მოსახლეობის ნახევარი წიგნებს არ კითხულობს.

კვლევის ავტორებმა საქართველოს მასშტაბით 500 ადამიანი გამოკითხეს. მათი პასუხების მიხედვით, 48% წიგნებს საერთოდ არ კითხულობს.

კვლევა ასაკის მიხედვით წიგნის კითხვის სიხშირესაც გვთავაზობს.

  • 18-დან 29 წლის მოქალაქეები წელიწადში 5 წიგნს კითხულობენ;
  • 30-დან 54 წლამდე - საშუალოდ 3 წიგნს. ამ ასაკობრივ კატეგორიაში, კვლევის შედეგებმა აჩვენა, რომ ქალები კაცებზე ერთით მეტ წიგნს კითხულობენ.
  • 55 წლის ზემოთ - წელიწადში 3 წიგნს.

ამას გარდა, 18-დან 29 წლის კატეგორიაში, თითქმის ყველა ქალი ახერხებს, რომ წელიწადში 1 წიგნი მაინც წაიკითხოს, მაშინ, როდესაც ამ ასაკობრივ კატეგორიაში გამოკითხულ კაცთა 30% წიგნებს საერთოდ არ კითხულობენ.