ინფორმაციას ამის შესახებ უკრაინის გენერალური პროკურატურა ავრცელებს.

რატომ არის მნიშვნელოვანი: ეს პირველი შემთხვევა არ არის, როდესაც გათავისუფლებულ რეგიონებში ნაწამებ და მოკლულ მოქალაქეებს პოულობენ. რუსებმა უკრაინაში არაერთი ომის დანაშაული ჩაიდინეს.

  • ხარკოვის ოლქის ჩუგუივის რაიონულმა პროკურატურამ გამოძიება ომის კანონებისა და წესების დარღვევის მუხლით დაიწყო.
  • წინასწარი ვერსიით, მოქალაქეები სამხედროებმა დასახლების ოკუპაციის დროს მოკლეს.

დეტალები: პროკურატურის განცხადებით, სოფლის დეოკუპაციის შემდეგ ადგილობრივებმა სამართალდამცავებს მიმართეს და განაცხადეს, რომ რუებმა მათი თანასოფლელები მოკლეს.

  • 11 სექტემბერს სამართალდამცავებმა აღმოაჩინეს ოთხი ცხედარი წამების კვალით — სამი მათგანი საკარმიდამოების ტერიტორიაზეა დაკრძალული, მეორე კი სოფლის რკინიგზის სადგურის მოპირდაპირედ ასფალტის ქარხნის ტერიტორიაზე.
  • ამჟამად ცხედარი ექსპერტიზაზეა გადაყვანილი.

გარდა ამისა, გათავისუფლებულ იზიუმში სამხედრო მოქმედებების შედეგად მინიმუმ ათასი მშვიდობიანი მოქალაქე დაიღუპა, ხოლო დროული სამედიცინო დახმარების არარსებობის გამო, დაშავდა კიდევ უფრო მეტი.

  • ქალაქის მერის, ვალერი მარჩენკოს განცხადებით, განადგურებულია ინფრასტრუქტურის 80%-ზე მეტი, მათ შორის კერძო და მრავალსართულიანი სახლები, სახელმწიფო დაწესებულები, სამრეწველო ობიექტები.
  • პარტია ხალხის მსახურის დეპუტატის, უმაღლესი რადას ეროვნული უსაფრთხოების, თავდაცვისა და დაზვერვის კომიტეტის წევრი კი ფეისბუქგვერდზე წერს, რომ ბალაკლეაში ერთ-ერთ სარდაფში წამებისა და დაკავების ოთახები აღმოაჩინეს.
  • უკრაინის გენერალური შტაბის განცხადებით, გათავისუფლებულ ტერიტორიებზე ნაღმების საფრთხის მაღალი რისკია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.