ეს ინციდენტი კანადაში რამდენიმე დღის წინ მოხდა. დილას, მეთევზეების ნავსადგომთან ტურისტები და ადგილობრივები იყვნენ შეკრებილები, როდესაც მათთან ახლოს ზღვის ლომი გამოჩნდა.

ხალხი ცხოველის ზომამ გააოგნა და ვიდეოს გადაღება დაიწყეს. "რა საყვარელია!" - ისმის ერთ მომენტშიც. ზღვის ლომი მართლაც საყვარელია და ცნობისმოყვარეობითაც გამოირჩევა. მას ხალხი წყალში პურის ნაჭერსაც უგდებს, რასაც ის მადიანად გეახლებათ. შემდეგ კი, როცა ჯებირს პატარა გოგო უახლოვდება წყლიდან ხტება და ცდილობს შეკრებილები დაათვალიეროს.

ამ ამოხტომის შემდეგ გოგო ჯებირზე ჯდება, რა დროსაც ზღვის ლომი წყლიდან ხტება, მას კბილებს ავლებს და წყალში აგდებს.

იხილეთ ამ მომენტის შენელებული კადრი:

ამ მომენტში არ დაიბნა გოგოს ბაბუა, რომელიც მაშინვე გადაეშვა წყალში და შვილიშვილი უვნებლად ამოიყვანა.

ზღვის ლომები, როგორც წესი, აგრესიით არ გამოირჩევიან და მათი მხრიდან ადამიანებზე თავდასხმა ძალიან იშვიათია. რამდენიმე ინციდენტი, რაც ზღვის ლომებისა და ადამიანების ინტერაქციის დროს დაფიქსირდა, ძირითადად ცხოველის ცნობისმოყვარეობას უკავშირდება. აქაც უნდა ვივარაუდოთ, რომ ამ ლომს თამაში უნდოდა, ან რადგან პური გადაუგდეს, შეიძლება იფიქრა, რომ ამ გოგოსაც რაღაც საჭმელი ჰქონდა მისთვის და წართმევა მოინდომა.

როგორც ვიდეოში ჩანს, საბედნიეროდ, ყველაფერი კარგად დასრულდა.