დიდმა შვიდეულმა ეს გადაწყვეტილება დღეს მიიღო.

რატომ არის მნიშვნელოვანი: დიდი შვიდეულის ქვეყნებმა განაცხადეს, რომ ეს არის მცდელობა იმისა, რომ კრემლს შეეზღუდოს უკრაინაში ომის დაფინანსების საშუალება

დეტალები: რუსეთი იმ ქვეყნების მიმართულებით, რომლებიც ლიმიტს აწესებენ საპასუხო მოქმედებებით უკვე იმუქრება.

  • კრემლის პრესსპიკერმა თქვა, რომ ისინი, უბრალოდ, არ მიაწვდიან ნავთობს იმ ქვეყნებს, რომლებიც შეზღუდვებს აწესებენ.
  • ბაიდენის ადმინისტრაცია ქვეყნებს ამისკენ თვეების განმავლობაში მოუწოდებდა.

არქივიდან: რუსეთმა "არამეგობრული" ქვეყნებისგან ენერგორესურსების საფასურის რუბლში გადახდა მოითხოვა — უარის გამო კი, ფინეთს, ბულგარეთსა და პოლონეთს გაზის მიწოდება შეუწყვიტა.

  • საპასუხოდ პოლონეთი და ბულგარეთი სამართლებრივ ნაბიჯებს განიხილავენ.
  • გერმანიამ თხევადი ბუნებრივი აირის (LNG) პირველი მცურავი ტერმინალის სამშენებლო სამუშაოები დაიწყო.
  • ევროკავშირმა უკვე მიიღო სანქციების მე-6 პაკეტი, რომელიც რუსულ ნავთობს ნაწილობრივ შეეხო.