ამის შესახებ აზერბაიჯანის პრეზიდენტი Twitter-ზე წერს.

რატომ არის მნიშვნელოვანი: აგვისტოს დასაწყისში ლაჩინის დერეფნის გასწვრივ მდებარე დასახლებების მოსახლეობას 25 აგვისტოს ჩათვლით სახლების დატოვება უბრძანეს.

  • ლაჩინის აზერბაიჯანისთვის გადაცემის ბოლო ვადა ხელის მოწერიდან სამი წელი იყო, თუმცა, აზერბაიჯანის ხელისუფლებამ მისი დროზე ადრე დასრულება მოითხოვა.
  • ამჟამად ლაჩინის დერეფანი მთიანი ყარაბაღისა და სომხეთის დამაკავშირებელი ერთადერთი გზაა. სომხეთის ხელისუფლებამ განაცხადა, რომ შემცვლელი გზა 2023 წლის გაზაფხულამდე არ იქნება მზად.

დეტალები: ალიევის ცნობით, სოფლები, ზაბუხი და სუსი კონტროლის ქვეშაა აღებული.

  • "აზერბაიჯანის არმია ახლა ქალაქ ლაჩინშია განლაგებული";
  • ვულოცავ ლაჩინის თითოეულ მოქალაქეს და აზერბაიჯანელ ხალხს. გაუმარჯოს ლაჩინს, გაუმარჯოს აზერბაიჯანს!".

არქივიდან: მოსახლეობის გასახლების გადაწყვეტილებას პროტესტი მოჰყვა — მოქალაქეებმა მოსალოდნელი გადასახლების გასაპროტესტებლად გზა გადაკეტეს.

  • OC Media წერს, რომ ყოფილი მთიანი ყარაბაღის ავტონომიური ოლქის გარეთ ეს ერთადერთი ქალაქები იყო, საიდანაც მთიანი ყარაბაღის მეორე ომის დროს და დასრულების შემდეგ, სომხეთის მოსახლეობა არ გადაუსახლებიათ.