საფრანგეთის ახლადარჩეული პრეზიდენტი, ემანუელ მაკრონი რუსეთის პრეზიდენტს, ვლადიმერ პუტინს, ტელეფონით ესაუბრა. კრემლის მიერ გავრცელებული განცხადების თანახმად, პრეზიდენტებმა საერთო სურვილი გამოთქვეს ქვეყნებს შორის ტრადიციული მეგობრული ურთიერთობების განვითარებისა:

"პრეზიდენებმა გამოთქვეს სურვილი ერთად იმუშაონ მიმდინარე საერთაშორისო და რეგიონალურ საკითხებზე, მათ შორის, ტერორიზმის წინააღმდეგ. პრეზიდენტებმა განიხილეს აღმოსავლეთ უკრაინის და მინსკის შეთანხმების საკითხიც."

საფრანგეთის ახალი პრეზიდენტი რუსეთის მიმართ საკმაოდ კრიტიკული იყო წინასაარჩევნო პერიოდის განმავლობაში, განსხვავებით მისი ოპონენტის, მარინ ლე პენისგან.