შინაგან საქმეთა მინისტრის განცხადებით, ქარის გამო გუშინ თითქმის ლოკალიზებული ხანძარი ახლიდან გაღვივდა.

რატომ არის მნიშვნელოვანი: ბორჯომის მუნიციპალიტეტის სოფელ ქვაბისხევის მიმდებარე ტყეში ძლიერია ხანძარია.

  • როგორც საგანგებო სიტუაციების მართვის სამსახურში ამბობენ, ხანძრის ქრობის სამუშაოებს ართულებს რთული კლიმატური პირობები.

გომელაურის თქმით, ყაზბეგში მომხდარი უბედური შემთხვევის შემდეგ 5 ვერტმფრენი დარჩათ, 4 დიდი და 1 პატარა.

  • მისივე განცხადებით, გუშინ, 21 აგვისტოს ამინდის გამო ფიზიკურად ვერ იმუშავეს.
  • გომელაურმა, ასევე, თქვა, რომ როდესაც საჭიროდ ჩათვალეს, მაშინ გამოიძახეს და ჩაერთო ვერტმფრენი.
  • ჩვენ პატარა ქვეყანა ვართ, დაახლოებით 20 მილიონი დოლარი ღირს ერთი ვერტმფრენი. იმის საშუალება არ აქვს ჩვენ ქვეყანას, რომ 100-200 ვერტმფრენი ჰყავდეს", — ამბობს ის.

დეტალები: საგანგებო სიტუაციების მართვის სამსახური აცხადებს, რომ ამ დროისათვის დასახლებულ პუნქტებზე ხანძრის გავრცელების საშიშროება მოხსნილია.

  • უწყების თქმით, ბორჯომში ხანძრის ქრობის სამუშაოები მთელი ღამის განმავლობაში მიმდინარეობდა.
  • მათივე ცნობით, ამ დროისათვის ხანძრის ქრობის ღონისძიებაში 300 მეხანძრე-მაშველი და განსაკუთრებულ დავალებათა დეპარტამენტის 300 თანამშრომელია ჩართული.
  • ამას გარდა, ადგილზე მობილიზებულია სახანძრო-სამაშველო ავტოტექნიკა.
  • 21 აგვისტოს ხანძრის ქრობის პროცესში თავდაცვის ძალები ჩაერთნენ.