ინფორმაციას სახელმწიფო უსაფრთხოების სამსახური ავრცელებს.

რატომ არის მნიშვნელოვანი: სუს განცხადებით, ბრალდებულები საგარეჯოსა და თბილისში, საცხოვრებელ მისამართზე ამ ნივთიერებებს უკანონოდ ინახავდნენ.

  • მათივე ინფორმაციით, ეს რადიოაქტიური ნივთიერებები ადამიანის ჯანმრთელობისთვის საშიშ გამა-გამოსხივებას შეიცავს.

დეტალები: მათი ცნობით, დანაშაულებრივი ჯგუფის წევრები, შემუშავებული გეგმის თანახმად, აქტიურად ეძებდნენ მყიდველ პირს.

  • სუს აღნიშნავს, რომ ისინი რადიოაქტიური ნივთიერებების შენახვის ადგილის სისტემატური ცვალებადობით ინარჩუნებდნენ კონსპირაციას და საბოლოოდ მის 1,2 მლნ აშშ დოლარად გაყიდვა სცადეს, რად დროსაც დააკავეს;
  • მათ ბრალი საქართველოს სისხლის სამართლის კოდექსის 230-ე მუხლის პირველი ნაწილით ედებათ, რაც ბირთვული მასალისადმი ან მოწყობილობისადმი, რადიოაქტიური ნარჩენისადმი, რადიოაქტიური ნივთიერებისადმი უკანონო მოპყრობას გულისხმობს.