ევროკავშირი დროებით აფერხებს საქართველოსთვის უვიზო მიმოსვლის დამტკიცების პროცესს და შესაძლოა, იგივე ბედი გაიზიარონ თურქეთმა, უკრაინამ და კოსოვომ, მიზეზი კი საემიგრაციო საკითხებთან დაკავშირებული სიფრთხილეა. ინფორმაციას ამის შესახებ სააგენტო Reuters ავრცელებს წყაროზე დაყრდნობით, რომელიც ევროკავშირის დელეგაციიდანაა.

როიტერსი წერს, რომ ევროკავშირმა ასევე მიიღო გადაწყვეტილება, შეიმუშავოს უვიზო მიმოსვლის სწრაფი შეწყვეტის მექანიზმი ისევ და ისევ საემიგრაციო კრიზისიდან გამომდინარე, რადგან მხოლოდ 2015 წელს, ევროპაში 1.3 მილიონი ლტოლვილი ჩავიდა.

"ჩვენ არ გვინდა მთლიანი პროცესის შეჩერება, ჩვენ გვინდა ვიყოთ უფრო ფრთხილები", - ანონიმურად განუცხადა ევროპელმა დიპლომატმა როიტერსს. გამოცემის ინფორმაციით, საქართველოსთვის უვიზო მიმოსვლის შეთავაზების წინააღმდეგი საფრანგეთი და გერმანია არიან.