ინფორმაცია გუშინ ადგილობრივმა მედიამ და სამხედრო ექსპერტმა გაავრცელეს, შემდეგ კი პრეზიდენტის ადმინისტრაციის უფროსის მრჩეველმა, ალექსეი არესტოვიჩმა დაადასტურა.

რატომ არის მნიშვნელოვანი: იმის გათვალისწინებით, რომ უკრაინა სამხრეთის გათავისუფლებაზეა ორიენტირებული, ხერსონის მიმართულებით რუსი ჯარების ალყაში მოქცევა მნიშვნელოვანი საბრძოლო წარმატებაა.

  • ბრიტანეთის დაზვერვის განცხადებით, თუ დნეპრის გადაკვეთა შეუძლებელი იქნება, ხოლო ოკუპირებულ ხერსონში რუსული ჯარები მოწყვეტილი (შეკავებული), ეს რუსეთისთვის სერიოზული სამხედრო და პოლიტიკური წარუმატებლობა იქნება.

დეტალები: გამოცემა წერდა, რომ ალყაში არიან სამი რუსული ბატალიონის ტაქტიკური ჯგუფები, მათ შორის, სპეცდანიშნულების და სატანკო ასეულები.

  • სავარაუდო რაოდენობა 1 000-დან 2 000-მდე მერყეობდა.

არესტოვიჩი ამბობს, რომ რუსი სამხედროები ტაქტიკურ ალყაში არიან და გუშინ გარღვევის მცდელობა ჰქონდათ, თუმცა უშედეგოდ.

  • მათ უკან დაიხიეს და ისევ ალყაში არიან, ერთადერთ გამოსასვლელს კი უკრაინა აკონტროლებს.
  • "ჩვენ ნაწილობრივ ავიღეთ ოლგინო და თითქმის მთლიანად პოტემკინო. ეს არის ორი დასახლება ვისოკოპოლიდან მარჯვნივ და მარცხნივ. იქ, ფაქტობრივად, ილოვაისკის გამეორება რუსული ჯარებისთვის, რადგან დაახლოებით ათასზე მეტი მებრძოლია იარაღითა და სამხედრო აღჭურვილობით".