The Wall Street Journal-თან ინტერვიუში ზელენსკიმ განაცხადა, რომ ახლა ფრონტზე დღეში 30-მდე უკრაინელი სამხედრო იღუპება, დაახლოებით 250 კი იჭრება.

რატომ არის მნიშვნელოვანი: მისი თქმით, მაისსა და ივნისში, საბრძოლო მოქმედებების პიკში, უკრაინა დღეში 100-დან 200-მდე სამხედროს კარგავდა, მაგრამ ეს რიცხვი შემცირდა.

  • ”დანაკარგები დაზუსტებით შემიძლია გითხრათ, რადგან ყოველდღე ვცხოვრობ ამით", — ასე უპასუხა პრეზიდენტმა ჟურნალისტს.

დეტალები: მან არ დაასახელა ომის დაწყებიდან დღემდე გარდაცვლილ ჯარისკაცთა რაოდენობა, რასაც სტრატეგიული მიზნებით ხსნის.

  • მაგრამ აღნიშნა, რომ უკრაინის დანაკარგები გაცილებით უფრო ნაკლებია, ვიდრე რუსეთის.
  • შეგახსენებთ, რომ გენერალური შტაბის ინფორმაციით, ომის დაწყებიდან დღემდე, დაახლოებით, 39 000 რუსი მებრძოლი დაიღუპა, დაიჭრა ან ტყვედ ჩავარდა.

ზელენსკის განმარტებით, აშშ-ისა და მოკავშირეთა იარაღის ბოლო მიწოდებამ, კერძოდ, HIMARS-ის მრავალჯერადმა სარაკეტო სისტემებმა და 155 მმ-იანი ჰაუბიცებმა, ხელი შეუწყო სიტუაციის სტაბილიზაციას დონბასში.

  • პრეზიდენტმა აღნიშნა, რომ სწორედ ცეცხლსასროლი იარაღის ბალანსის ცვლილებამ შეამცირა უკრაინის დანაკარგები.

არქივიდან: ბოლო ინფორმაცია დანაკარგებზე ივნისში ალექსეი არესტოვიჩმა გააჟღერა. მიკსი თქმით, რუსეთის შეჭრის დღიდან 10 000 ჯარისკაცი დაიღუპა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება მსოფლიოში.