როგორც პროკურატურაში On.ge-ს უთხრეს, 30 ივნისს საქართველოში აშშ-ის საელჩოს ტერიტორიაზე მომხდარ ინციდენტზე გამოძიებაა დაწყებული.

რატომ არის მნიშვნელოვანი: TV პირველის დამფუძნებელს დეპუტატი ანრი ოხანაშვილი თავს დაესხა.

  • შემთხვევა აშშ-ს საელჩოში, ამერიკის დამოუკიდებლობის დღისადმი მიძღვნილ ღონისძიებაზე მოხდა;
  • როგორც წერეთელი ამბობდა, ოხანაშვილის გარდა სხვა დეპუტატებიც დაესხნენ თავს — ამას ქართული ოცნება უარყოფს.

დეტალები: ადვოკატის ცნობით, ვატო წერეთელი გამოკითხვაზე დღეს, 6 საათზე მივა.

  • "გამოძიება დაწყებულია ძალადობის ფაქტზე. მოწმის სახით, რა თქმა უნდა, დაბარებულია ბატონი ვახტანგი";
  • "მასაც აქვს სურვილი, ბუნებრივია, რომ სრული სურათი აღუწეროს გამოძიებას".

წერეთელი ამბობს, რომ პროკურატურას საქმის აღძვრა "მოუწია" და ასევე, "მოუწევს დამნაშავეების ციხეში გაშვება".

  • "ამერიკის საელჩოს კიდევ ერთხელ მივმართავ, ნუ გახდებით თანამონაწილე, აუცილებლად, დაუყოვნებლივ პროკურატურას მიაწოდეთ მასალები, რომ გასაჯაროვდეს თავდასხმის კადრები".

არქივიდან: ინციდენტის შემდეგ, ოხანაშვილის ქმედებების გამართლება მმართველი პარტიის წევრებმა სცადეს.