თიბისიმ ადამიანთა ცხოვრების გასამარტივებლად ციფრულ ბანკში კიდევ ერთი ახალი ფუნქციონალი დაამატა. ახლა უკვე შესაძლებელია, ციფრული არხებით სამომხმარებლო სესხით სარგებლობისას, გააერთიანო არსებული სესხები ან გადაფარო და თანხა დაიმატო.

მომხმარებლის ცხოვრების გასამარტივებლად, სესხზე განაცხადის შევსება და ყველა საჭირო საფეხურის გავლა მობაილბანკით, ბანკის ფილიალში ვიზიტის გარეშეა შესაძლებელი, რაც მნიშვნელოვნად ზოგავს მომხმარებლის დროს და ბანკთან ურთიერთობას კიდევ უფრო ამარტივებს.

სამომხმარებლო სესხის ციფრული ბანკით მოთხოვნისას მომხმარებელი მობაილბანკის მთავარ მენიუში უნდა შევიდეს და შეთავაზებებში აირჩიოს ციფრული სამომხმარებლო სესხი.

ამის შემდეგ რამდენიმე მარტივი ეტაპია გასავლელი: მიუთითებს სესხის თანხას და შემოსავალს, დაეთანხმება მონაცემების გადამოწმებას და რამდენიმე წამში თიბისისგან შეთავაზებას მიიღებს. შეთავაზება ორნაირი შეიძლება იყოს: ახალი სესხი ან არსებულის გადაფარვა და თანხის დამატება.

სასურველი შეთავაზების არჩევის შემდეგ მომხმარებელი სესხის პირობებს გაეცნობა და დაეთანხმება. თანხა ჩაირიცხება კლიენტის მიერ არჩეულ ანგარიშზე.