ომის შემსწავლელმა ინსტიტუტმა მორიგი ანგარიში გამოაქვეყნა, სადაც აღნიშნულია, რომ ამის შესახებ რუსმა კორესპონდენტმა და სამხედრო ბლოგერმა, მაკსიმ ფომინმა ისაუბრა.

რატომ არის მნიშვნელოვანი: ISW-ის თანახმად, მოხალისეთა ბატალიონებს აგვისტოს ბოლომდე, დაახლოებით, 34 000 ახალი სამხედრო მოსამსახურის მობილიზება შეუძლიათ, თუ თითოეულში, დაახლოებით, 400 ადამიანი იქნება.

  • ოფიციალური მონაცემებით, რუსეთი უკრაინაში ყოველ დღე, მინიმუმ, 100 სამხედროს კარგავს. ვოლოდიმირ ზელენსკის თქმით, ეს რიცხვი 300-საც აღწევს;
  • ეს მიანიშნებს, რომ კრემლს თავისივე წამოწყებულ ომში უკვე რესურსების ნაკლებობა აქვს.

დეტალები: ბლოგერის თქმით, რუსეთმა თითოეულმა რეგიონს დაავალა, რომ მინიმუმ, ერთი ბატალიონი მაინც შექმნას.

  • ISW წერს, რომ კრემლის ბრძანება 85 ფედერალურ სუბიექტს, ანუ რეგიონებსა და ოკუპირებულ ტერიტორიებს შეეხება;
  • ისინი ვალდებული იქნებიან, აიყვანონ და ფინანსურად წაახალისონ მოქალაქეები, რაც საყოველთაო მობილიზაციის ნაცვლად კეთდება.

მოხალისეები ერთი თვის განმავლობაში გაივლიან შესაბამის ტრენინგებს, რის შემდეგაც უკრაინაში მიმდინარე რუსულ ომს შეუერთდებიან.

  • ანგარიშში მითითებულია, რომ რეგიონალურ ოფიციალურ პირებს უკვე აჰყავთ 50 წლამდე მოქალაქეები, რომლებსაც 6-თვიან კონტრაქტსა და თვეში, დაახლოებით, 220 000-350 000 რუბლს სთავაზობენ;
  • რეგიონების ნაწილი კი მათ დაუყოვნებლივი გაწვევის ბონუსს სთავაზობს, რაც 200 000 რუბლს შეადგენს და რეგიონის ბიუჯეტიდან გამოიყოფა;
  • ISW-ის თქმით, რუსულმა მედიებმა უკვე დაადასტურეს ბატალიონების შექმნა ან განლაგება კურსკში, ჩეჩნეთში, ნიჟნი ნოვგოროდში, ბაშკორტოსტანის რესპუბლიკასა და სხვა.