ინფორმაციას ამის შესახებ Biletebi.ge ფეისბუქგვერდზე აქვეყნებს. კონცერტი 15 ოქტომბერს, 19:00 საათზე, სპორტის სასახლეშია დაგეგმილი.

რატომ არის მნიშვნელოვანი: გალკინმა რუსეთის უკრაინაში შეჭრის შემდეგ ქვეყანა დატოვა.

  • ის პუტინსა და კრემლის პოლიტიკას ღიად აკრიტიკებს.

დეტალები: ინფორმაციაში ნათქვამია, რომ ის საქართველოს უკრაინიდან დევნილების დასახმარებლად მსოფლიო ტურის ფარგლებში ეწვევა.

  • მათივე ცნობით, ის ისრაელში აშშ-ში, პოლონეთში, დიდ ბრიტანეთში, ლიეტუვაში, ლატვიაში, თურქეთში, ავსტრალიაში, ახალ ზელანდიაში, ფინეთში, ესპანეთსა და გერმანიაშიც ჩავა.

მაქსიმ გალკინი რუსი შოუმენი, პაროდისტი, ტელეწამყვანი და კომიკოსია. რუსეთის უკრაინაში შეჭრის პირველივე დღეს გალკინმა ომის საწინააღმეგო განცხადება გააკეთა.

  • "სიტყვებით ვერ გადმოვცემ, რას ვგრძნობ! როგორ არის ეს ყველაფერი შესაძლებელი! ომის გამართლება არ შეიძლება! არა ომს!"
  • ამის შემდეგ მას სარეკლამო კონტრაქტების განახლებაზე უარი უთხრეს, ხოლო რუსეთში დაგეგმილი კონცერტები გაუუქმეს.
  • აპრილის ბოლოს გალკინმა ვიდეო ჩაწერა, სადაც უკრაინაში მშვიდობიანი მოსახლოების მკვლელობა დაგმო.