დღეს, 1 ივნისს, ბავშვთა დაცვის დღესთან დაკავშირებით თბილისის ზოოპარკში საქართველო-ფილიპინების მეგობრობის მინიპარკი - მაბუჰაი გაიხსნა, რომლის დაარსების ინიციატივაც საქართველოს კონსულს ფილიპინების რესპუბლიკაში, ტელმო კუნანანსა და თბილისის ზოოპარკის დირექტორს, ზურაბ გურიელიძეს ეკუთვნის. მინიპარკი ბავშვებს დღეს უფასოდ მოემსახურა.

გარდა ამისა, ზოოპარკს ახალი ცხოველებიც შეემატა. მთელი დღის განმავლობაში კი პარკში სხვადასხვა გასართობი ღონისძიება იმართებოდა, რომლებიც ახლა გრძელდება.

ზოოპარკში მისული ბავშვებისათვის გაიმართა ტურნირი თოკების პარკში, მხიარული სტარტები, სამაგიდო და გუნდური თამაშები, კონკურსები, ხატვა, ძერწვა, საცირკო წარმოდგენები, ილუზიონისტის შოუ, ანიმაციური ფილმების ჩვენება, თოჯინების თეატრი და სხვ.

პროექტი ბათუმის საერთაშორისო საკონტეინერო ტერმინალის (BICT) დაფინანსებით განხორციელდა.

გარდა ზოოპარკისა, ბავშვთა გასართობი ღონისძიებები, თბილისის მერიის ორგანიზებით, დედაქალაქის სხვადასხვა უბანშიც გაიმართა. ქალაქის ბაღებსა და პარკებში მისული პატარების განწყობაზე ანიმატორები, ჯამბაზები და სახის მომხატველები ზრუნავდნენ. ღონისძიების ფარგლებში გაიმართა საცირკო წარმოდგენები, გამოფინეს ბავშვთა ნამუშევრები, მოეწყო ფერადი ატრაქციონები.

თბილისი, 2016.

თბილისი, 2016.

ზოოპარკში ბავშვთა დაცვის დღეს აღნიშნავენ.

ფოტო: თბილისის მერია

თბილისი, 2016.

თბილისი, 2016.

ჩუღურეთის რაიონში ბავშვთა დაცვის დღეს აღნიშნავენ.

ფოტო: თბილისის მერია

თბილისი, 2016.

თბილისი, 2016.

ჩუღურეთის რაიონში ბავშვთა დაცვის დღეს აღნიშნავენ.

ფოტო: თბილისის მერია

თბილისი, 2016.

თბილისი, 2016.

ვაკის პარკში ბავშვთა დაცვის დღეს აღნიშნავენ.

ფოტო: თბილისის მერია