ბელგოროდი რუსეთის ერთ-ერთი ოლქია, რომელიც უკრაინის საზღვრიდან 25 კილომეტრში მდებარეობს. ტერიტორია გუშინ დაიბომბა, რასაც მსხვერპლი მოყვა.

რატომ არის მნიშვნელოვანი: დაბომბვაზე პასუხისმგებლობა არცერთ მხარეს არ აუღია და მოწინააღმდეგეს ადანაშაულებენ.

  • ვინაიდან ბოლო პერიოდში რუსეთში არაერთი დივერსიული აქტი მოხდა, რუსული მედია ამტკიცებს, თითქოს ესეც უკრაინული მხარის მოწყობილია.
  • პარალელურად, უკრაინულ მედიებში ვრცელდება, ქალაქში ჩამოვარდნილი რაკეტის კადრები და ამტკიცებენ, რომ ის რუსული წარმოებისაა.

ფოტო: სოციალურ ქსელებში გავრცელებული კადრი

დეტალები: გვიან ღამით, დაახლოებით 3 საათზე სოციალურ ქსელებში გავრცელდა კადრები, რომელიც ბელგოროდში გაჩენილ ხანძარს ასახავდა.

  • მოგვიანებით ქალაქის ადმინისტრაციამ განაცხადა, რომ დაბომბვის შედეგად გარდაიცვალა 4 და დაშავდა 4 ადამიანი.
  • რუსული მხარის მტკიცებით, გარდაცვლილთაგან მხოლოდ 1 არის რუსეთის მოქალაქე, 3 კი უკრაინელია.
  • მერის თქმით, ნაწილობრივ დაზიანდა 26 მაღალსართულიანი და 46 კერძო სახლი.

რას ამბობს რუსეთი: რუსმა სენატორმა ანდრეი კლიშასმა ბელგოროდში მომხდარს უკვე უწოდა "უკრაინის მხრიდან პირდაპირი აგრესიის აქტი", რომელიც მოითხოვს "ყველაზე მკაცრ, მათ შორის სამხედრო პასუხს".

  • რუსეთის დუმაში კი განაცხადეს, რომ ზელენსკიმ მომხდარისთვის პასუხი უნდა აგოს.
  • უკრაინის ბრალეულობის დასადასტურებლად, კურსკის ოლქის გუბერნატორმა განაცხადა, რომ მიმდებარედ იმავე ღამეს ჩამოაგდეს უკრაინელების დრონი.
  • უკრაინული მედია კი წერს, რომ უცნობია, აქვს თუ არა მსგავსი დრონი მათ ჯარს, მაგრამ ის საბჭოთა წარმოებისაა და ნამდვილად აქვს რუსულ მხარეს.

რას ამბოს უკრაინა: ექსპერტების განცხადებით, გავრცელებული ფოტოზე ჩანს, რომ პანცირის საჰაერო თავდაცვის რაკეტა, რომელიც უკრაინას არ გააჩნია, მაგრამ არის რუსული ჯარის მარაგებში.

  • ჟურნალისტი და სამმხრივი საკონტაქტო ჯგუფის უკრაინის დელეგაციის წევრი დენის კაზანსკი აცხადებს, რომ ბელგოროდზე თავდასხმები რუსეთმა განახორციელა.
  • დენის კაზანსკი: "როგორც ჩანს, რუსი სამხედროებისთვის რაღაცამ ისევ არასწორად იმუშავა და რაკეტები საერთოდ არ გაფრინდნენ იქ, სადაც დაგეგმილი იყო".
  • ანტონ გერაშენკო: "პუტინმა გადაწყვიტა ძველი დროის გახსენება და ბელგოროდის საცხოვრებელ ზონაში დარტყმის ბრძანება გასცა, ისევე როგორც 20 წლის წინ ააფეთქეს საცხოვრებელი კორპუსები მოსკოვსა და ვოლგოდონსკში, რათა ეს გამოეყენებინათ ჩეჩენბზე შურის საძიებლად".