საგამოძიებო აცხადებს, რომ გამოძიება მედიასაშუალებით გავრცელებული ინფორმაციის საფუძველზე დაიწყეს.

რატომ არის მნიშვნელოვანი: მთავარი არხის ინფორმაციით, წალენჯიხაში პოლიციელმა მოქალაქე დაჭრა.

  • მათივე თქმით, მას ცეცხლსასროლი იარაღიდან მიყენებული ჭრილობა აღენიშნება.

დეტალები: საგამოძიებოს ცნობით, გამოძიება წალენჯიხაში შინაგან საქმეთა სამინისტროს თანამშრომლის მიერ ყოფით ნიადაგზე, მოქალაქის ჯანმრთელობის განზრახ ნაკლებად მძიმე დაზიანების საქმეზე მიმდინარეობს.

  • უწყება საქმეს საქართველოს სისხლის სამართლის კოდექსის 118-ე მუხლის პირველი ნაწილით იძიებს.

სპეციალური საგამოძიებო სამსახური აცხადებს, რომ ყველა საჭირო საგამოძიებო და საპროცესო მოქმედებას შემჭიდროებულ ვადებში ჩაატარებენ.