დღეს გიორგი მარგველაშვილმა და ირაკლი კობახიძემ ბალტიისა და დსთ-ის ქვეყნების ადვოკატთა ასოციაციების საერთაშორისო კონფერენცია მიმართვით გახსნეს. კონფერენციის დასრულების შემდეგ ისინი ერთმანეთს შეხვდნენ.

ვიდეოში, რომელსაც საზოგადოებრივი მაუწყებელი ავრცელებს, ისმის პრეზიდენტის სიტყვები პარლამენტის თავმჯდომარის მიმართ:

"იმდენი მამეცადინე კონსტიტუციაში, ბარემ დიპლომიც მომეცი".

ბოლო რამდენიმე დღის განმავლობაში საქართველოს ქალაქებში საკონსტიტუციო ცვლილებების განხილვა მიმდინარეობდა, რომელსაც, პარლამენტის თავმჯდომარესთან ერთად, პრეზიდენტიც ესწრებოდა.