8 ვარსკვლავი, რომელიც თავის ლგბტქ შვილს მხარს უჭერს

ლგბტქ ადამიანებისათვის ოჯახის მხარდაჭერა განსაკუთრებით არის მნიშვნელოვანი, რადგან განსხვავებული სექსუალური ორიენტაციის ან გენდერული იდენტობის მქონე ადამიანებისადმი გარემო ხშირად არცთუ მეგობრულია. ბევრი ცნობილი ადამიანი თავის ლგბტქ შვილს აქტიურად უჭერს მხარს, რითაც ქვიარ ადამიანების მშობლებს ნამდვილად აძლევს მაგალითს.

1. ჯენიფერ ლოპესი

თავის ერთ-ერთ საკონცერტო გამოსვლაზე ამერიკელმა მომღერალმა შვილის მისამართით გენდერულად ნეიტრალური ნაცვალსახელები გამოიყენა და მისი იდენტობისადმი პატივისცემა ასე გამოხატა.

2. შერი

შერი აქტიურად უჭერს მხარს თავის შვილს, შაზს, რომელმაც ტრანზიციის პროცესი 2011 წელს დაასრულა. თუმცა, მომღერალი აღიარებს, რომ შაზის იდენტობასთან შეგუება თავდაპირველად გაუჭირდა. შერი ამ პროცესს "რთულად" აფასებს და ამატებს, რომ ასე "შვილს არ კარგავ — ისინი, უბრალოდ, სხვა ფორმით გევლინებიან".

3. სინთია ნიქსონი

მსახიობის შვილი კოლეჯის დასრულების შემდეგ ტრანსგენდერად დაქამინგაუთდა, რის შემდეგაც მშობლისგან დიდი მხარდაჭერა დაიმსახურა. ნიქსონმა ინსტაგრამზეც დაწერა, რომ შვილით ძალიან ამაყობს.

4. შარლიზ თერონი

მსახიობისა და მოდელის უფროსი შვილი ტრანსგენდერად სამი წლის ასაკში დაქამინგაუთდა. შარლიზმა განაცხადა, რომ ორი გოგოს დედობით ძალიან ბედნიერია და, როგორც ყველა მშობელს, სურს, ისინი დაცულები და ბედნიერები იყვნენ.

5. ბილი რეი საირუსი

ამერიკელი მუსიკოსის შვილი მასზე არანაკლებ ცნობილი მომღერალი, მაილი საირუსია, რომელიც 2015 წელს პანსექსუალად დაქამინგაუთდა. ბილიმ მაშინ განაცხადა, რომ ის და თავისი ცოლი ყოველთვის "ძალიან გონებაგახსნილები" იყვნენ და მათთვის მთავარი შვილის ბედნიერებაა.

6. მეჯიქ ჯონსონი

ამერიკელი კალათბურთელი არ მალავს, რომ გეიდ დაქამინგაუთების შემდეგ თავისი შვილის მიღება თავიდან გაუჭირდა. თუმცა, ჯონსონი ამატებს, რომ იგი სწორედ შვილმა შეცვალა.

7. მარშა გეი ჰარდენი

მას შემდეგ, რაც ცნობილი ამერიკელი მსახიობის შვილი 13 წლის ასაკში დაქამინგაუთდა, მარშა ლგბტქ აქტივიზმში ჩაერთო. იგი განსაკუთრებით ამახვილებს ყურადღებას ოჯახისა და მისი მხარდაჭერის მნიშვნელობაზე.

8. სალი ფილდი

სალის შვილი, სემი, გეია. ზოგიერთი მსახიობისგან მოელოდა, რომ იგი სემს არ მიიღებდა. თუმცა, ფილდმა თავისი შვილისადმი მხარდაჭერა არაერთხელ გამოხატა და ლგბტქ ადამიანების მშობლებსაც იმავესკენ მოუწოდა.

"არსებობენ მშობლები, რომელთაც ტვინი ისე გამოურეცხეს, რომ ჰგონიათ, ეს ბიბლიას, ღმერთს ან ბუნებას ეწინააღმდეგება", — ამბობს მსახიობი, — "თუკი თავად ბუნებამ შექმნა ის, ბუნებას როგორღა ეწინააღმდეგება?!. სემი ყოველთვის სემი იყო".

ასევე იხილეთ:

5 გზა, როგორ ვესაუბროთ მოზარდებს ლგბტქ საკითხებზე

ბოლო ამბები:

გირჩევთ