NDI-ს გამოკითხვის მიხედვით, იმ მოქალაქეების წილობრივი მაჩვენებელი, რომლებიც იზიარებდნენ, რომ უვიზო მიმოსვლა მათ სარგებელს მოუტანს, შემცირებულია. 2016 წლის კვლევის მიხედვით, ეს მაჩვენებლი 64 პროცენტი იყო, ახლა კი, 51 პროცენტს გაუტოლდა.

მოსახლეობის 38 პროცენტი მიიჩნევს, რომ უვიზო მიმოსვლა სარგებელს არ მოუტანს მათნაირ ხალხს. ამ მოსაზრებას ეთანხმება გამოკითხულთა 51 პროცენტი, დარჩენილი შვიდი პროცენტი კი პასუხობს, რომ "არ იცის".

ფოტო: ფოტო პრეზენტაციიდან

55 წელს ზემოთ ასაკობრივ ჯგუფში ყოველი მეორე გამოკითხული (51%) მიიჩნევს, რომ უვიზო მიმოსვლა სარგებელს მოუტანს მისნაირ ხალხს. იმავე ასაკობრივი ჯგუფის ადამიანები წილობრივად ყველაზე ნაკლებად (40%) იზიარებენ მოსაზრებას, რომ ვიზალიბერალიზაცია სარგებელს მოუტანს, ყოველი მეათე (10%) გამოკითხული კი პასუხობს, რომ არ იცის.

კითხვაზე: "ეთანხმებით თუ არა იმ მოსაზრებას, რომ უვიზო მიმოსვლას სარგებელს მოუტანს თქვენნაირ ხალხს?" გამოკითხვის შედეგებმა აჩვენა, რომ ასაკობრივი ჯგუფის ზრდასთან ერთად წილობრივად უფრო ნაკლები გამოკითხული ეთანხმება, რომ უვიზო მიმოსვლა სარგებელს მოუტანს მათნაირ ხალხს.

ამ კითხვაზე, 18-35 წლის ასაკობრივ კატეგორიაში, გამოკითხულთა ყველაზე დიდი წილი (62%) ეთანხმება დასმულ კითხვას. კითხვაზე პასუხს "არ ვეთანხმები" ამავე ასაკობრივ ჯგუფში გამოკითხული მოსახლეობის 30 პროცენტი სცემს. დანარჩენი კი პასუხობს, რომ "არ იცის".

რაც შეეხება, 36-55 წლის ასაკობრივ ჯგუფში გამოკითხულ მოქალაქეებს, გამოკითხულთა 55 პროცენტი იზიარებს მოსაზრებას, რომ უვიზო მიმოსვლა სარგებელს მოუტანს მათთნაირ ხალხს, 39 პროცენტი კი, არ იზიარებს ამ მოსაზრებას. კითხვაზე პასუხი "არ ვიცი" ექვსი პროცენტი სცემს.

კვლევის საველე სამუშაოების NDI-ის დაკვეთით CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოიკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.