ბოკერია: გუშინ ღარიბაშვილის მიზანი იყო, ეჩვენებინა, რომ ოპონენტები და საზოგადოება არის უძალო

23 Jun. 2022, 14:19

ყველა ილუზია იმ ადამიანების, რომლებიც საზოგადოებას ეუბნებიან დღეს, რომ შესაძლებელია რაღაც ტრანსფორმაცია, დეოლიგარქიზაციის კანონის მიღება მოხდება, არის ან თავის ან საზოგადოების მოტყუება. ამიტომ, შემოგვიერთდით და შემოუერთდით იმ გზავნილს, იმ მოძრაობას, რომელიც ერთადერთ ამოცანას ისახავს, ამ რეჟიმის და ივანიშვილის ჩამოშორებას ძალაუფლებიდან, ახალ არჩევნებს და ახალ ლიბერალურ დემოკრატიაზე, თავისუფლებაზე, ღირსებაზე, ჩვენი ევროპული იდენტობის დაბრუნებაზე ორიენტირებულ ახალი ხელისუფლების შექმნას. ეს არის ერთადერთი, რაც ამ ქვეყანას გამოიყვანს ამ ვითარებიდან.

საზოგადოებამ პასუხი უნდა გასცეს ყველას, ვინც თუნდაც გულწრფელი გულუბრყვილობით დააპირებს ხვალ ან ზეგ ისევ საუბარს, რომ ამ რეჟიმთან ერთად შესაძლებელია არსებითი ნაბიჯების გადადგმა. იმიტომ რომ ეს არის იმ ტიპის გზავნილი, რომელიც ასეთ უტიფარ რეჟიმებს მხოლოდ აძლიერებს. გუშინ ღარიბაშვილს ერთადერთი მიზანი ჰქონდა — ეჩვენებინა, რომ ოპონენტები და შესაბამისად საზოგადოება არის უძალო, რომ მას შეუძლია უბრალოდ გვითხრას, რომ ფეხებზე კიდია და ეს გაუვა, მერე ეს ვრცელდება მთელ საზოგადოებაზე, არამხოლოდ მათზე, ვინც იქ იჯდა, დარბაზში.

ბოლო ამბები: