გაფრთხილება: სტატია მხევლის წიგნის შესახებ სპოილერებს შეიცავს!

როგორც იქნა, მხევლის წიგნის მეხუთე სეზონის გამოსვლის თარიღი ცნობილია. ახალი სეზონის პრემიერა 14 სექტემბერსაა დაგეგმილი. სანამ ჯუნ ოსბორნის ისტორიის გაგრძელებას ვიხილავდეთ, Hulu-მ მეხუთე სეზონიდან პირველი ფოტოები გაავრცელა.

ფოტო: Hulu

"ჯუნი მეთაური უოტერფორდის მკვლელობის შედეგებს იმკის, პარალელურად კი უჭირს საკუთარი პიროვნებისა და მიზნის ხელახლა განსაზღვრა. დაქვრივებული სერენა ცდილობს, ტორონტოში პოპულარულობა მოიპოვოს, კანადაში კი თანდათანობით გილეადის გავლენა იზრდება.

ფოტო: Hulu

მეთაური ლოურენსი დეიდა ლიდიასთან ერთად გილეადის გარდაქმნასა და ძალაუფლების მოპოვებას ცდილობს. ჯუნი, ლუკი და მოირა გილეადის წინააღმდეგ შორიდან იბრძვიან და ჰანას გადარჩენასა და მის დაბრუნებას ცდილობენ", — ვკითხულობთ მე-5 სეზონის აღწერაში.

ემის მფლობელი სერიალი მარგარეტ ეტვუდის ამავე სახელწოდების მქონე დისტოპიური ნოველის მიხედვითაა გადაღებული. მაყურებლებმა მხევლის წიგნი პირველად 2017 წელს იხილეს და ის უამრავი ადამიანის საყვარელ სერიალად იქცა.