ბოლო 24 საათში უკრაინაში ათობით მშვიდობიანი მოქალაქე დაიღუპა. ინფორმაციას დნეპროპეტროვსკის ოლქის სამხედრო ადმინისტრაციის ხელმძღვანელი, ველანტინ რეზნიჩენკო ავრცელებს.

მისი თქმით, ზელენოდოლსკისა და შიროკოვის დასახლებების დაბომბვას ბოლო დღე-ღამეში 6 ადამიანი ემსხვერპლა, ამასთან, დაინგრა ან დაზიანდა 179 სახლი, ორი სკოლა, საბავშვო ბაღი და საავადმყოფო. რეზნიჩენკოს ცნობით, დაბომბვის გამო ქალაქები და სოფლები "კასეტური ბომბებითაა სავსე", მოსახლეობას კი გაზის, ელექტროენერგიისა და წყლის მიწოდების პრობლემა აქვთ.

რაც შეეხება ხარკოვს, ოლქის რეგიონალური სამხედრო ადმინისტრაციის ხელმძღვანელის თქმით, ოკუპანტების თავდასხმის შედეგად 5 ადამიანი დაიღუპა, 14 კი დაშავდა.