დისნეის ანიმაციებში მომხდარი 10 უცნაურობა, რომელზეც ბავშვობაში არ გიფიქრია

დისნეის ანიმაციები ჩვენი ბავშვობის განუყოფელი ნაწილია, რომლებიც განსხვავებულ პერსონაჟებთან ერთად დაუვიწყარ სამყაროში გვამოგზაურებდნენ. ბავშვობაში თითოეული თავგადასავალი ჩვენთვის საოცრად ჯადოსნური იყო, ამიტომ უცნაურ მოვლენებსა თუ უზუსტობებს ყურადღებას დიდად არ ვაქცევდით.

რა თქმა უნდა, ვაცნობიერებთ, რომ ეს ყველაფერი ზღაპრის ნაწილია, თუმცა ანიმაციების ზრდასრულ ასაკში ნახვის შემდეგ, პერსონაჟებთან თუ ავტორებთან ერთი-ორი კითხვა მაინც გვიჩნდება.

მაშ ასე, წარმოგიდგენთ დისნეის ანიმაციებში მომხდარ 10 უცნაურობას, რომელზეც ბავშვობაში არ გიფიქრია:

1. კონკიაში ფერია ნათლიას ჯადოქრობა 12 საათის შემდეგ ძალას კარგავს, თუმცა ფეხსაცმელი არ ქრება

რადგან სხვაგვარად პრინცი კონკიას ვერ იპოვიდა!

2. პრინცმა კონკიას საპოვნელად ყველა გოგოსთვის ფეხსაცმლის მოზომებაზე უფრო ჭკვიანური ვერაფერი მოიფიქრა

ნუთუ ერთი და იმავე ზომის ფეხის მქონე ორი გოგო მაინც არ მოიძებნებოდა სამეფოში?

3. ფიფქია ტყეში უცნობების სახლს აღმოაჩენს და პირველი, რაც თავში აზრად მოსდის, მისი დალაგებაა

ფიფქიას საკუთარი უსაფრთხოება დიდად არ ადარდებდა!

4. ფიფქიამ იცის, რომ დედინაცვალი მოკვლას უპირებს, თუმცა უცხო ადამიანების სახლში მშვიდად იძინებს

ფიფქია ზედმეტად გულუბრყვილო იყო!

5. ავრორა დაწყევლილია, თუმცა ამის შესახებ მას არავინ აფრთხილებს

ასე რატომ გაიმეტეს?

6. პოკაჰონტასისა და არიელის თმა ქარსა და წვიმაშიც კი იდეალურია

ნეტავ რა არის მათი საიდუმლო?

7. კონკია სიღარიბეში ცხოვრობს და დაჩაგრულია, ფერია ნათლია კი მას მეჯლისზე უშვებს

ხომ შეეძლო, კონკია საშინელი დედინაცვლისგან დაეხსნა ან მისთვის ფული მიეცა?

8. პრინცი ფილიპი ავრორას ძილში კოცნის

როგორც ჩანს, მას თანხმობაზე არაფერი სმენია.

9. პრინცს ჰგონია, რომ ფიფქია მკვდარია, თუმცა მას მაინც კოცნის

უკომენტაროდ.

10. არიელმა წერა-კითხვა იცის, თუმცა პრინც ერიკთან ამ გზით კომუნიკაცია აზრადაც არ მოსვლია

არიელი ურსულას მიერ შემოთავაზებულ კონტრაქტს ხელს აწერს, შესაბამისად, აშკარაა, რომ მან წერა-კითხვა იცის. როცა ხმა დაკარგა, შეეძლო, პრინც ერიკთან წერილობით ესაუბრა, თუმცა ასე არ მოქცეულა.

ბოლო ამბები:

გირჩევთ