უკრაინის შინაგან საქმეთა სამინისტროს ინფორმაციით, კიევის ცენტრში ისევაა ნაპოვნი ნაწამები და დახვრეტილი მშვიდობიანი მოქალაქეების ცხედრები. უწყების ცნობით, ამ დროისთვის 1300-ზე მეტი ადამიანის ცხედრის ექსჰუმაცია განხორციელდა.

საგამოძიებო მოქმედებების ჩატარების შემდეგ ცხედრები მორგში გადაასვენეს, სადაც მათ ექსპერტიზა ჩაუტარდებათ. შსს-ში აცხადებენ, რომ ამ ეტაპზე, 200-ზე მეტი დაღუპულის იდენტიფიცირება ვერ მოხერხდა.

კიევის ოლქი რუსი ოკუპანტებისგან 2 აპრილს გათავისუფლდა. ირპენმა, ბუჩამ, გოსტომელმა და სხვა ქალაქებმა, სადაც უკრაინის ჯარები შევიდნენ, მსოფლიოს ხელახალი გამოღვიძება აიძულა.

მედიაში გავრცელდა ფოტოები ბუჩას ქუჩებიდან, რომელიც სავსე იყო ცხედრებით — მათ ნაწილს ხელები ჰქონდათ შეკრული, ნაწილის გვერდით ველოსიპედები ეყარა, ნაწილი კი, მინიმუმ, სამი კვირის წინ მაინც იყო მოკლული.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.