მაკდონალდს საქართველომ განსაკუთრებული საჭიროებების მქონე ბავშვებისთვის ღონისძიებები მოაწყო
ბავშვთა დაცვის საერთაშორისო დღის აღსანიშნავად ყოველწლიური ტრადიციული საქველმოქმედო კამპანია McHappy Day-ს ფარგლებში მაკდონალდს საქართველო ორგანიზაცია "პირველი ნაბიჯის" ბენეფიციარ, განსაკუთრებული საჭიროებების მქონე ბავშვებს მათი საყვარელი ჰეფი მილებით და ორინჯ ბოულის ნატურალური წვენით გაუმასპინძლდა.
ბავშვთა დღისადმი მიძღვნილი ღონისძიების ფარგლებში "პირველი ნაბიჯის" ბენეფიციარმა ბავშვებმა მაკდონალდს საქართველოს მიერ ორგანიზებულ სხვა სახალისო აქტივობებშიც მიიღეს მონაწილეობა, მათ შორის სახის მოხატვაში, ბუშტებით თამაშში და სხვა.
კომპანია მაკდონალდს საქართველოს მარკეტინგის დეპარტამენტის ხელმძღვანელის ალექსანდრე შენგელიას თქმით, McHappy Day-ს წლევანდელი საქველმოქმედო კამპანიის მთავარი გზავნილია "გაუფერადე ცხოვრება ბავშვებს" და დღევანდელი დღის აქტივობებიც ამ პრინციპს ეფუძნება.
"ბავშვთა დაცვის საერთაშორისო დღეს ვულოცავ ყველა ბავშვს და ვუსურვებ მათ ფერად, მშვიდობიან გარემოში ცხოვრებას. მაკდონალდს საქართველოსთვის მომხმარებელზე, პირველ რიგში კი ბავშვებზე ზრუნვა მთავარი მიზანია. სწორედ ამ მიზანს ემსახურება ჩვენი საქველმოქმედო კამპანია, რომლის ფარგლებშიც დღეს ორგანიზაცია "პირველი ნაბიჯის" ბენეფიციარებს გავუმასპინძლდით. McHappy Day-ს კამპანია გრძელდება და ჩვენი მომხმარებლების ჩართულობით შეგროვილი თანხით, რომელსაც კომპანიის ბიუჯეტიდან გამოყოფილი თანხაც დაემატება, აღვჭურავთ ორგანიზაციის სამ ფილიალს, ბავშვებისთვის შევიძენთ ინვენტარს, რაც მნიშვნელოვნად გააუმჯობესებს მათ არსებულ ყოფას და გაუფერადებს ცხოვრებას", — აღნიშნა ალექსანდრე შენგელიამ.
ორგანიზაცია "პირველი ნაბიჯის" საზოგადოებასთან ურთიერთობისა და მარკეტინგის მენეჯერის, გუჩი თავხელიძის თქმით, მაკდონალდს საქართველომ დღეს ორგანიზაციის ბენეფიციარ ბავშვებს განსაკუთრებულად ფერადი და დაუვიწყარი დღე აჩუქა.
"ძალიან გვიხარია, რომ მაკდონალდს საქართველომ წლევანდელი საქველმოქმედო კამპანიის ბენეფიციარად ჩვენი ორგანიზაცია შეარჩია. კომპანიის ხელშეწყობით შესაძლებლობა გვექნება განვაახლოთ ყველა საჭირო ინვენტარი და სათამაშოები, რაც დაეხმარება ბავშვებს განვითარებაში, ახალი უნარების ათვისებაში. ყოველდღიურად უამრავი მასალა გვესაჭიროება და McHappy Day-ს კამპანიის შედეგად გაწეული ქველმოქმედება ძალიან დაგვეხმარება, რომ შევძლოთ ხარისხიანი მომსახურების მიწოდება ბავშვებისთვის", — განაცხადა გუჩი თავხელიძემ.
McHappy Day-ს საქველმოქმედო კამპანიის ფარგლებში მომხმარებელს შეუძლია შეიძინოს "პირველი ნაბიჯის" ბენეფიციარი ბავშვების მიერ შექმნილი ნახატები, რომლებიც აიკინძა გასაფერადებლის სახით, ასევე ფერადი ფანქრები, ბავშვების მიერ შესრულებული ნახატების მიხედვით დამზადებული პოსტერები და სტიკერები. სპეციალურად ამ კამპანიისთვის შექმნილი აღნიშნული პრომოაქსესუარები მაკდონალდსის ყველა რესტორანში იყიდება. გარდა ამისა, მომხმარებელს პრომო აქსესუარების შეძენა დელივერი სერვისითაც შეეძლება. ნებისმიერი ამ ნივთის შეძენისას მომხმარებელი ავტომატურად ერთვება საქველმოქმედო კამპანიაში, რადგან ნივთების გაყიდვიდან შემოსული თანხა ორგანიზაცია "პირველი ნაბიჯის" ბენეფიციარი ბავშვების განათლებას და პირობების გაუმჯობესებას მოხმარდება.
კამპანიის ფარგლებში მომხმარებელს შეუძლია აპლიკაციიდან ლოიალურობის პროგრამის საშუალებით 1000 ქულის სანაცვლოდ მოახდინოს 1 ლარის ოდენობის დონაცია მაკ ჰეფი დეის ფონდში.
წლევანდელი კამპანიის ოფიციალური პარტნიორია კომპანია Mastercard, რომლის კონტრიბუციის შედეგად აქსესუარების გაყიდვით შემოსული თანხა ორმაგდება.
McHappy Day-ის საქველმოქმედო კამპანიიდან შემოსული თანხით მაკდონალდს საქართველო უზრუნველყოფს დიღომში, ისანსა და რუსთავში მდებარე "პირველი ნაბიჯის" სამი ფილიალის მოწყობასა და აღჭურვას ყველა საჭირო შესაბამისი ინვენტარით.
ამასთან აღსანიშნავია, რომ McHappy Day-ის კამპანიის ფარგლებში აღიჭურვება რუსთავის ფილიალი, რის შედეგადაც ბავშვები სახელმწიფო სერვისებით სარგებლობას რუსთავში უფასოდ შეძლებენ.
"პირველი ნაბიჯი" ამ ეტაპზე განსაკუთრებული საჭიროებების მქონე 900-ზე მეტ ბავშვს ემსახურება ყოველთვიურად. ჯამურად ორგანიზაციაში 10-მდე პროგრამა ხორციელდება. კონსულტაციის და თერაპიის ცენტრი ადრეული ასაკის ბავშვებს და მათ მშობლებს, ხოლო დღის ცენტრის და ბინაზე მოვლის პროგრამები 45 მძიმე ინტელექტუალური და ქცევითი დარღვევების მქონე 6-დან 18 წლამდე ასაკის ბავშვებსა და მოზარდებს ემსახურება.
McHappy Day-ის საქველმოქმედო კამპანიის ფარგლებში გასული წლების განმავლობაში მაკდონალდსმა ზუგდიდში, ქუთაისში, რუსთავში, თბილისსა თუ კოჯორში დახმარება გაუწია მრავალ ორგანიზაციას.
წლევანდელი კამპანია, რომლის მთავარი გზავნილია — გაუფერადე ცხოვრება ბავშვებს, ჰეშთეგით #McHappyDays იმართება და 30 ივნისს დასრულდება.
-
გადახედვაGeorgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს Georgian Airways, ევრო 2024-ზე დასწრების მსურველებისთვის, გერმანიის მიმართულებით, პირდაპირ ფრენებს შეასრულებს
-
გადახედვაკალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის კალაძე მელიასა და გვარამიაზე: ბოროტების და რადიკალიზმის ადგილი ქართულ პოლიტიკაში არ არის
-
გადახედვაორსულების დიეტა ნაყოფის სახის მახასიათებლებზე მოქმედებს — კვლევა ორსულების დიეტა ნაყოფის სახის მახასიათებლებზე მოქმედებს — კვლევა
-
გადახედვაComcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე
-
გადახედვანახეთ: როგორ ჩანს დედამიწაზე სეზონების ცვლილება კოსმოსიდან ნახეთ: როგორ ჩანს დედამიწაზე სეზონების ცვლილება კოსმოსიდან
-
გადახედვასომხეთში სოლოვიოვის პროპაგანდისტული გადაცემების ტრანსლირება აიკრძალა სომხეთში სოლოვიოვის პროპაგანდისტული გადაცემების ტრანსლირება აიკრძალა
-
-
გადახედვაროგორი ამინდი იქნება შაბათ-კვირას როგორი ამინდი იქნება შაბათ-კვირას
-
გადახედვათბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი თბილისის ოპერისა და ბალეტის თეატრში შრომითი უფლებების დარღვევა გამოვლინდა - კულტურის პროფკავშირი
-
გადახედვადედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი დედაჩემის იპოთეკა დავფარე, რაც ჩემთვის ძალიან მნიშვნელოვანი იყო — სიდნი სვინი
-
გადახედვავენერაზე სიცოცხლის "საშენი მასალის" არსებობა შესაძლებელია — კვლევა ვენერაზე სიცოცხლის "საშენი მასალის" არსებობა შესაძლებელია — კვლევა
-
გადახედვაფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია ფრანგული კომპანიისგან ნაყიდი პირველი სამაშველო ვერტმფრენი H 145 უკვე საქართველოშია
-
გადახედვაბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა ბაკურიანში, ზვავში მოყოლილი ადამიანის სამძებრო-სამაშველო ოპერაცია განახლდა
-
-
გადახედვაინფოგრაფიკა: პრინციპები, რომელსაც მოსამართლე უნდა ეყრდნობოდეს ინფოგრაფიკა: პრინციპები, რომელსაც მოსამართლე უნდა ეყრდნობოდეს
-
გადახედვაბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე ბასიანი: კანონი სრულად ზღუდავს გამოხატვისა და შეკრების თავისუფლებას, აწესებს ცენზურას ფაქტობრივად ყველა სფეროზე
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
კომენტარები