ღარიბაშვილი: სანქციების დაწესება რუსეთზე ნიშნავდა, რომ ჩვენ მოქალაქეებს დავუწესებდით

27 May. 2022, 16:22

მე მინდა გკითხოთ ზოგადად, თქვენ რომ გვიკიჟინებთ და მოგვიწოდებთ, დაუწესეთ ეკონომიკური-ფინანსური სანქციები რუსეთს, მინდა გკითხოთ, თქვენ თუ გაქვთ წარმოდგენა საერთოდ — ერთი მილიონი ჩვენი მოქალაქე ცხოვრობს რუსეთში. გვაქვს სავაჭრო-ეკონიმიკური უერთერთობები, ჩვენი ქვეყანა არის დროებით ოკუპირებული და რუსული ჯარი დგას ჩვენს ტერიტორიებზე — აი, ამ ფონზე, მითუმეტეს თქვენ კარგად მოგეხსენებათ, რომ სანქციების დაწესება ეროვნულ დონეზე, ეროვნული, ეკონომიკური სანქციების დაწესება რუსეთის ფედერაციაზე, რა თქმა უნდა, ნიშნავდა იმას, რომ ჩვენ საკუთარ მოქალაქეებს დავუწესებდით სანქციებს და ჩვენს ქვეყანას დავუწესებდით სანქციებს. [...]

თქვენ, ალბათ, არ იცით, მაგრამ შეგახსენებთ, დღეს მსოფლიოში არის ურთულესი ვითარება, მსოფლიო ეკონომიკის რეცესია არის მოსალონედლი, ინფლაცია ზოგიერთ ქვეყანაში 20%-ს გადასცდა, მაგალითად, მოლდოვაში 27%-იანი ინფლაციაა. აღარ მაქვს საუბარი ეკონომიკურ ზრდაზე და ამ პირობებში ჩვენ ვინარჩუნებთ ერთ-ერთ ყველაზე მაღალ ეკონომიკურ ზრდას. პირველ კვარტალში გვქონდა 14,4 ეკონომიკური ზრდა. ჩვენი ეროვნული ვალუტა განაგრძობს გამყარებას, იზრდება ტურიზმი, ექსპორტი, ყველა მიმართულებით გვაქვს პროგრესი.

მე გეკითხებით, თქვენ რომ წარმოიდგინოთ, 2 თვის წინ ჩვენ ეს სისულელე რომ გაგვეკეთებინა და თქვენთვის დაგვეჯერებინა და დაგვეწესებინა ეროვნული დონის ეკონომიკური სანქციები რუსეთზე, რა მდგომარეობაში ვიქნებოდით ჩვენ დღეს, თქვენ თუ გაქვთ ამაზე წარმოგენა და თუ გაქვთ პასუხი?

ბოლო ამბები:

ირაკლი ღარიბაშვილი ღარიბაშვილი: სანქციების დაწესება რუსეთზე ნიშნავდა, რომ ჩვენ მოქალაქეებს დავუწესებდით

კომენტარები

კვირის ტოპ-5

გირჩევთ

ახლა კითხულობენ

კვლევის თანახმად, ტესტოსტერონის დაბალი დონე კიბოს განვითარების მომატებულ რისკთანაა დაკავშირებული