რუსეთის საპატრიარქოს ინფორმაციით, ილია მეორემ პატრიარქ კირილს "წმინდანის ხსენების" დღე მიულოცა. ინფორმაცია რუსეთის საპატრიარქოს ვებგვერდზე გამოქვეყნდა, თუმცა საქართველოს საპატრიარქოს ვებგვერდზე მსგავსი განცხადება არ იძებნება.

წერილის მიხედვით, ილია მეორემ კირილს ჯანმრთელობა, მშვიდობა და კეთილდღეობა უსურვა. მის გარდა რუსეთის პატრიარქმა მილოცვები მიიღო ვლადიმერ პუტინისგან და რუსეთის პარლამენტის თავმჯდომარე ვიაჩესლავ ვოლოდინისგან. მილოცვები 24 მაისითაა დათარიღებული.

პატრიარქი კირილი აქტიურად უჭერს მხარს პუტინის პოლიტიკას, მათ შორის ომს უკრაინაში, რომლის შესახებაც ილია მეორემ არაერთი განცხადება გაავრცელა, თუმცა რუსეთი მხოლოდ ომის 21-ე დღეს ახსენა.