ევროპული საბჭოს პრეზიდენტის, შარლ მიშელის განცხადებით, საქართველოს პრემიერმინისტრთან, ირაკლი ღარიბაშვილთან შეხვედრისას ხაზგასმით აღინიშნა, რომ დემოკრატიზაციის პროცესისა და კანონის უზენაესობის რეფორმები ისე საჭიროა, როგორც არასდროს

"ღარიბაშვილთან განვიხილე ევროკავშირის სრული მხარდაჭერა საქართველოს სუვერენიტეტისა და ტერიტორიული მთლიანობის მიმართ. ევროკავშირი მზად არის, კიდევ უფრო გააძლიეროს ჩვენი პარტნიორობა საქართველოსთან. ხაზგასმით აღინიშნა, რომ დემოკრატიზაციის პროცესისა და კანონის უზენაესობის რეფორმები საჭიროა, როგორც არასდროს", — წერს მიშელი.

ირაკლი ღარიბაშვილი ოფიციალური ვიზიტით ბრიუსელში 17 მაისს გაემგზავრა.