ჩრდილოეთ ინდოეთში მცხოვრები წყვილი თავიანთ ერთადერთ ვაჟსა და მის ცოლს სასამართლოში უჩივის. ამის მიზეზი ისაა, რომ ინდოელ წყვილს შვილიშვილი სურს, თუმცა მათი ვაჟი უკვე 6 წელია, რაც დაქორწინებულია, მაგრამ შვილი არ გაუჩენია.

ინდოელი წყვილის თქმით, მთელი დანაზოგი შვილის აღსაზრდელად გამოიყენეს, შემდეგ კი თვითმფრინავის მართვაც შეასწავლეს და მდიდრული ქორწილიც გადაუხადეს. წყვილი ვაჟისგან 650 ათასი დოლარის კომპენსაციას ითხოვს, თუ ერთი წლის განმავლობაში შვილიშვილი ისევ არ ეყოლებათ.

წყვილმა გაიხსენა, რომ 2007 წელს, როცა მათმა ვაჟმა სამსახური დაკარგა, 2 წლის განმავლობაში ფინანსურად ეხმარებოდნენ. მათივე თქმით, 2016 წელს ვაჟის ქორწილი იმ იმედით გადაიხადეს, რომ პენსიაზე გასვლისას შვილიშვილი ეყოლებოდათ. წყვილის თქმით, შვილის ქორწილში 80 ათასი დოლარი გადაიხადეს და თაფლობის თვისთვის მას 5-ვარსკვლავიანი სასტუმროც უქირავეს.

"ჩემი ვაჟი უკვე 6 წელია, დაქორწინებულია, მაგრამ შვილის გაჩენას არ გეგმავს. შვილიშვილი რომ გვყოლოდა და მასთან ერთად დრო გაგვეტარებინა, ჩვენს დარდს უფრო მარტივად გავუმკლავდებოდით", — ამბობს ინდოელი კაცის მამა.

"ყველა მშობლის ოცნებაა, რომ შვილიშვილი ეყოლოს. ისინი კი ამას უკვე 6 წელია, ელოდებიან", — ამბობს ინდოელი წყვილის ადვოკატი. სასამართლო პროცესი 17 მაისს შედგება, თუმცა ინდოელი წყვილის შვილსა და მის ცოლს ჯერჯერობით კომენტარი არ გაუკეთებიათ.