დიდი ბრიტანეთის საგარეო საქმეთა მინისტრი ლიზ ტრასი აცხადებს, რომ საერთაშორისო სანქციები რუსეთის წინააღმდეგ უნდა შენარჩუნდეს იქამდე, სანამ ყველა რუსი სამხედრო არ დატოვებს უკრაინას.

ტრასმა გერმანიაში G7-ის საგარეო საქმეთა მინისტრების შეხვედრაზე განაცხადა, რომ რუსეთის პრეზიდენტმა ვლადიმერ პუტინმა თვალი უნდა გაუსწოროს დამარცხებას, რაც შემდგომ აგრესიას შეუშლის ხელს.

"პუტინი თავს იმცირებს მსოფლიო ასპარეზზე", — თქვა მან.

G7-ის საგარეო საქმეთა მინისტრები პარასკევს კვლავ შეხვდებიან უკრაინელ და მოლდოველ კოლეგებს.