უკრაინის ქალაქ კრამატორსკის მატარებლის სადგურის დაბომბვის შედეგად 11 წლის გოგომ, იანამ და დედამისმა ფეხები დაკარგეს — ბავშვმა ორივე, ქალმა კი ერთი კიდური. უკრინფორმის ცნობით, აფეთქებას გადაურჩა მეორე შვილი, იანას ტყუპისცალი იაროსლავი. ის დაბომბვის დროს სადგურის შიგნით, ნივთების სადარაჯოდ იყო დარჩენილი. ისინი ლვოვში, საავადმყოფოში იმყოფებიან.

ფოტო: ლვოვის სამედიცინო ასოციაცია

ფოტო: ლვოვის სამედიცინო ასოციაცია

ფოტო: ლვოვის სამედიცინო ასოციაცია

საავადმყოფოს წარმომადგენლის განცხადებით, ოჯახი ნოვგოროდიდანაა. საავადმყოფოს ცნობით, ბავშვების მამა გარდაცვლილია, მამინაცვალი კი ომში იბრძვის. აპრილის დასაწყისში დედამ, ნატალიამ გადაწყვიტა, შვილები დაბომბვებს გაერიდებინა და კრამატორსკის სადგურზე მივიდა.

"აფეთქება მაშინ მოხდა, როცა დედა და გოგონა ბაქანზე გავიდნენ. როცა თვალი გაახილა, ყველაფერი სისლით იყო დაფარული. ნახა, რომ ქალიშვილს ფეხები არ ჰქონდა. მას შემდეგ, რაც ადგომა ვერ შეხლო, მიხვდა, რომ თვითონაც ცალი კიდურის გარეშე დარჩა. ნატალია ამბობს, რომ ჩაიზე წასვლის გადაწყვეტილებას ჯერ კიდევ ვერ პატიობს თავს", — წერს ლვოვის სავადმყოფო Facebook გვერდზე.

საავადმყოფოში აცხადებენ, რომ უახლოეს პერიოდში ისინი პროთეზირებისა და რეაბილიტაციისთვის ამერიკის შეერთებულ შტატებში გაემგზავრებიან.

კრამატორსკის რკინიგზის სადგური, საიდანაც ევაკუაცია მიმდინარეობდა რუსეთმა 8 აპრილს დაბომბა. თავდასხმის გამო, ათობით ადამიანი დაიღუპა, მათ შორის, ბავშვებიც.