უკრაინის საგარეო საქმეთა მინისტრი, დმიტრო კულება სერგეი ლავროვის განცხადებას ამაზრზენს უწოდებს. მისი თქმით, ოკუპანტი ქვეყნის საგარეო საქმეთა მინისტრის ნათქვამი შეურაცხმყოფელია როგორც უკრაინის პრეზიდენტის, ასევე, ისრაელისთვისაც.

"ლავროვმა რუსული ელიტის ღრმად ფესვგადგმული ანტისემიტიზმი ვერ დამალა. მისი ამაზრზენი განცხადებები შეურაცხმყოფელია პრეზიდენტ ზელენსკის, უკრაინის, ისრაელისა და ებრაელი ხალხისთვის. უფრო ფართო გაგებით, ის აჩვენებს, რომ დღეს რუსეთი სხვა ერების მიმართ სიძულვილითაა სავსე", — წერს ის.

ლავროვმა თქვა, რომ ნაცისტ დიქტატორ ადოლფ ჰიტლერს "ებრაული სისხლი ჰქონდა", შესაბამისად ზელენსკის "ნაცისზმს" მისი ებრაული სისხლი არ ცვლის.

ამ განცხადების შემდეგ ისრაელის საგარეო საქმეთა სამინისტრომ რუსეთის ელჩი დაიბარა, ხოლო მინისტრმა განაცხადა, რომ ლავროვის განცხადება საშინელი ისტორიული შეცდომაა და მისგან ბოდიშს ელიან.