სოფელ გლდანში ახალი საბავშვო ბაღის მშენებლობა დაიწყო, რომელიც 7-ჯგუფიანი იქნება და იქ სკოლამდელი განათლების მიღებას 250-მდე აღსაზრდელი შეძლებს.

საბავშვო ბაღი სოფელში არასოდეს ყოფილა და მოსახლეობა მის მშენებლობას დიდი ხანი ითხოვდა. მას დედაქალაქის მერია თბილისთან შემოერთებულ ტერიტორიებზე აშენებს. ბაღში 45 ადამიანი დასაქმდება.

თბილისში ამჟამად 10 საბავშვო ბაღის მშენებლობა მიმდინარეობს, მათგან ხუთი სექტემბერში გაიხსნება. თბილისის საბავშვო ბაგა-ბაღების მართვის სააგენტო წელს კიდევ 8 ახალი საბავშვო ბაღის მშენებლობას დაიწყებს.