ღარიბაშვილი: რაც ვთქვით, რომ არავითარი მეორე ფრონტი არ იქნება საქართველოში, დაიწყო ეს უსაფუძვლო ბრალდებები

27 Apr. 2022, 16:11

მთელი ეს აჟიოტაჟი, მე მინდა, ჩვენს ხალხს სრული პასუხისმგებლობით ვუთხრა და განვუმარტო. მთელი ეს ვითომ სკანდალები, აჟიოტაჟი და აბსოლუტურად უსაფუძვლო ბრალდებები საქართველოს ხელისუფლების მიმართ, იყო მიმართული მხოლოდ ერთი მიზნისთვის, რომ რაიმენაირად საქართველოში გახსნილიყო მეორე ფრონტი. მას შემდეგ, რაც მე, ჩვენმა გუნდმა მკაფიოდ განვაცხადეთ და ვუთხარით, მათ შორის ჩვენს უკრაინელ მეგობრებს, რომ არავითარი მეორე ფრონტი არ იქნება საქართველოში, აი, მას შემდეგ დაიწყო ეს უსაფუძვლო ბრალდებების კასკადი.

გახსოვთ ჯერ კიდევ ელჩის გაწვევის აბსოლუტურად დაუსაბუთებელი გადაწყვეტილება, შემდეგ რაღაც ბრალდებები რაღაც რძეზე, ყველზე, ახლა ხორბალი. ამას დაემატა პირდაპირი დეკლარირებული აღიარება უკრაინის მაღალი ხელისუფლების წარმომადგენლების მხრიდან, რომ მათი სურვილი და ამოცანა იყო და არის მოლდოვაში და საქართველოში მეორე ფრონტის გახსნა.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ყირგიზეთმა, უზბეკეთმა და ყაზახეთმა რუსეთში შავი ჭირის შესაძლო შემთხვევის გამო საზღვარზე კონტროლი გააძლიერეს