ამერიკის შეერთებული შტატების სახელმწიფო მდივნის, ენტონი ბლინკენის განცხადებით, რუსეთი მარცხდება, ხოლო უკრაინა წარმატებას აღწევს. ამის შესახებ მან ზელენსკისთან შეხვედრის შემდეგ, ჟურნალისტებთან საუბრისას განაცხადა.

"რუსეთი ცდილობდა უკრაინისთვის სუვერენიტეტი წაერთმია და დამოუკიდებლობა ჩამოერთმია, ეს ვერ მოახერხა. ის ცდილობდა საკუთარი ჯარისა და ეკონომიკის სიძლიერე დაემტკიცებინა, მაგრამ, რა თმა უნდა, საპირისპიროს ვხედავთ [...] ჩვენ არ ვიცით, როგორ განვითარდება დანარჩენი ომი, მაგრამ ვიცით, რომ სუვერენული დამოუკიდებელი უკრაინა გაცილებით დიდხანს იქნება, ვიდრე ვლადიმერ პუტინი იქნება სცენაზე", — თქვა მან.

აშშ-ის სახელმწიფო მდივანი, ენტონი ბლინკენი და თავდაცვის მდივანი ლოიდ ოსტინი უკრაინის პრეზიდენტს ვოლოდიმირ ზელენსკის, თავდაცვის მინისტრს, ალექსეი რეზნიკოვსა და შინაგან საქმეთა მინისტრს, დენის მონატირსკის შეხვდნენ. უსაფრთხოების მიზნებიდან გამომდინარე, აშშ-ის მაღალჩინოსნებისა და ზელენსკის შეხვედრა გასაიდუმლოებული იყო. ის 3 საათის განმავლობაში მიმდინარეობდა.

აშშ-ის მაღალი თანამდებობის პირების ჩასვლაზე კიევში ინფორმაცია გუშინ, 24 აპრილს უკრაინის პრეზიდენტის ადმინისტრაციის უფროსმა მრჩეველმა, ალექსეი არესტოვიჩმა გაავრცელა. ეს რუსეთის უკრაინაში შეჭრის შემდეგ აშშ-ის მაღალჩინოსნების პირველი ვიზიტია კიევში.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში