მოსკოვმა მარკ ცუკერბერგს რუსეთში შესვლა აუკრძალა. რუსეთის საგარეო საქმეთა სამინისტროს განცხადებაში ნათქვამია, რომ სანქცირებულთა სიაში ჯამში აშშ-ის 29 ოფიციალური პირია. მათ შორის არის შეერთებული შტატების ვიცე-პრეზიდენტი კამალა ჰარისიც.

გარდა მარკ ცუკერბერგისა და კამალა ჰარისისა მოსკოვი რუსეთში შესვლას უკრძალავს აშშ-ის თავდაცვის მდივნის მოადგილეს კეტლინ ჰიქსს, პენტაგონის სპიკერს კონ კიბრსა და სხვა პირებს.

რუსეთის საგარეო საქმეთა სამინისტრო წერს, რომ სანქციების საპასუხოდ ქვეყანაში შესვლას აშშ-ის ოფიციალურ პირებს, მათ ოჯახის წევრებს, მეცნიერებს, კულტურისა და სპორტის სფეროს წარმომადგენლებს განუსაზღვრელი ვადით უკრძალავს. მათივე თქმით, უახლოეს მომავალში სია კიდევ გაიზრდება.