უკრაინის პრეზიდენტმა, ვოლოდიმირ ზელენსკიმ განაცხადა, რომ არ აქვთ საკმარისი სერიოზული და მძიმე შეიარაღება რუსული არმიის დასამარცხებლად საპორტო ქალაქ მარიუპოლში. მან ქალაქში დაპირისპირების დასასრულებლად ორი პოტენციური გზა დაასახელა.

"პირველი, ეს მოიცავს სერიოზულ და მძიმე შეიარაღებას […] ამ მომენტისთვის ჩვენ არ გვაქვს საკმარისი შეიარაღება მარიუპოლის გასათავისუფლებლად. მეორე დიპლომატიური გზაა. ამ დროისთვის რუსეთი ამაზე არ დათანხმებულა", — თქვა მან.

ზელენსკის განცხადებით, მარიუპოლში არცერთი ჯარისკაცი არ აპირებს დანებებას, რადგან მათ უნდათ თავისუფალი ქალაქი და გამარჯვება.